Partia Demokratike ka reaguar pas deklaratave të kryeministrit Edi Rama për punën e Emergjencave Civile dhe Forcave të Armatosura në muajin e vështirë Gusht për shkak të situatës së krijuar nga zjarret në të gjithë vendin.
Deputeti i zgjedhur i PD Tomor Alizoti, në një postim në rrjetet sociale thotë se këto deklarata janë propagandë.
“Të japin llogari para ligjit ata që kanë shpërdoruar me detyrën dhe me korrupsionin e kudondodhur të këtij regjimi janë zjarrëvënësit e financave publike dhe fatkeqësia e qytetarëve shqiptarë”, shkruan Alizoti.
REAGIMI I PLOTE
Sot, qytetarët dëgjuan edhe njëherë propagandën e neveritshme që prej shumë kohësh përmbys të vërtetën, për t’iu fshehur përgjegjësive dhe për ta shitur dështimin si sukses. Është e qartë për të gjithë, braktisja e forcave të ushtrisë dhe skuadrave të emergjencave civile. Ata u përballën me zjarret me mjete rrethanore ndërsa Rama, shëtiste me helikopterin që duhej të ndihmonte në përballjen me zjarret.
Mirënjohje partnerëve tanë euro-atlantikë dhe Kosovës, pa ndihmën e të cilëve dhe pa vullnetin e personelit të ushtrisë dhe emergjencave, të braktisur dhe lënë në mëshirë të fatit, kostot e keqmenaxhimit, paaftësisë dhe korrupsionit të këtij regjimi, do të ishin edhe më të frikshme për qytetarët dhe pasurinë tonë natyrore.
E domosdoshme që ligji të veprojë kundër zjarrvënësve, por edhe më rëndësishme që përpara ligjit të japin llogari ata që kanë shpërdoruar me detyrën dhe me korrupsionin e kudondodhur të këtij regjimi, të cilët janë zjarrvënësit e financave publike dhe fatkeqësia e qytetarëve shqiptarë.
LEXO EDHE
© Panorama.al Burimi informacionit @Panorama.al: Lexo me shume: www.botasot.al
