Suedia shfuqizon të gjitha masat anti-Covid, virusi nga tani do të konsiderohet si sëmundje endemike

suedia shfuqizon te gjitha masat anti covid virusi nga tani do te konsiderohet si semundje endemike
suedia shfuqizon te gjitha masat anti covid virusi nga tani do te konsiderohet si semundje endemike

Suedia ka shfuqizuar të gjitha masat epidemiologjike, duke i dhënë fund testimit masiv pa pagesë për COVID-19 si dhe ka hapur të gjithë kufijtë për qytetarët e Bashkimit Evropian.

Koronavirusi prej sot në këtë vend do të trajtohet si sëmundje endemike. Ky urdhër do të hyjë në fuqi sonte pasmesnate, e suedezët i janë bashkuar danezëve dhe norvegjezëve, që më herët shfuqizuan masat e njëjta.

Autoritetet shëndetësore konsiderojnë se pandemia po hyn në atë që po përshkruhet si faza e re, pasi që varianti Omicron nuk po u shkakton edhe aq shumë probleme të infektuarve.

Suedezët madje kanë hequr edhe certifikatat COVID, si dhe bartjen e obligueshme të maskës në transportin publik.

“Pandemia nuk ka marrë fund, por po hyjmë në një fazë të re. Situata është përmirësuar, e disa studime po tregojnë se Omicroni po shkakton më pak probleme”, tha kryeministrja suedeze Magdalena Andersson.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts