Pas një nate tjetër makthi në Kiev dhe pjesë të tjera të Ukrainës, interesi është fokusuar tek bisedimet që do të zhvillohen ditën e sotme nga delegacionet e të dy vendeve, me shpresën që të arrihet një armëpushim.
Me Ukrainën që mbrohet heroikisht, Perëndimi ka lëvizur në mënyrë dinamike për tre ditët e fundit, duke përshkallëzuar mbytjen ekonomike dhe izolimin ndërkombëtar të Moskës, ndërsa ka ndihmuar ndjeshëm presidentin ukrainas Volodymyr Zelensky me ndihmë ushtarake për të organizuar mbrojtjen e vendit të tij.
Në një lëvizje vendimtare mbrëmë në përgjigje të kërcënimit të mëparshëm bërthamor të Putinit, Bashkimi Evropian po mbyll hapësirën e tij ajrore për avionët rusë .
Bisedimet ndërmjet delegacioneve ruse dhe ukrainase do të zhvillohen në kufirin ukrainas- bjellorusi pranë lumit Pripyat, pas një ultimatumi të dërguar nga Moska në Kiev të dielën pasdite.
Kjo është përpjekja e parë për të arritur një marrëveshje mes dy palëve, por presidenti ukrainas Volodymyr Zelensky nuk u shfaq optimist për rezultatin e këtyre kontakteve, por tha se delegacionet do të takohen “pa kushte”.
Burimi informacionit @BalkanWeb: Lexo me shume ne : www.botasot.al