Sulmi në Norvegji, autori me probleme mendore?

[embedded content][embedded content]

23:46 14/10/2021

Vrau me shigjeta 5 persona. Ishte i njohur për policinë

Ky xhirim amator tregon momentin e dorëzimit të autorit të sulmit me shigjeta në qytezën Kongsberg të Norvegjisë, mbrëmjen e të Mërkurës… një ngjarje ku humbën jetën 5 persona dhe u plagosën 2 të tjerë.

Autori është një 37-vjeçar nga Danimarka, i identifikuar si Espen Andersen Brathen që shihni në këtë foto. Mediat vendase hedhin dyshime se autori vuan nga probleme mendore, pasi është paraqitur disa herë në klinikat e zonës ku ka kërkuar ndihmë. Thuhet po ashtu se ai ishte konvertuar në mysliman dhe ishte një individ i njohur për policinë. Hetuesit ende nuk japin detaje për motivet e ngjarjes dhe nuk përcaktojnë nëse bëhet fjalë për ndonjë sulm terrorist.

37-vjeçari nisi të godasë me shigjeta rreth orës 6 e 47 të pasdites me orën lokale, pranë një supermarketi, duke ua drejtuar ato klientëve dhe kalimtarëve. Akti mori fund pas gjysmë ore, me ndërhyrjen e policisë që qëlloi përdori edhe armët për ta detyruar autorin të dorëzohej.

Ky sulm është më i rëndi pas atij të ekstremistit të djathtë Anders Breivik që vrau 77 persona në ishullin Utoja në Korrik 2011.

Tv Klan

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *