21:53 08/12/2022
Ky është momenti kur një shqiptar hyri në një dyqan në Oksford duke vërtitur një shkop bejsbolli dhe sulmoi një grup personash.
Gjykatësit iu tha se Canaku i armatosur me një shkop bejsbolli dhe thikë ndoqi një grup meshkujsh përreth dyqanit. Në pamjet e regjistruara shihet edhe një grua që shtyn një karrocë fëmijësh teksa grupi hyri në dyqan.
Sipas “Daily Mail”, shënjestra ishte një person midis tyre që kishte sulmuar Canakun.
Ky i fundit është arrestuar disa herë për drogë dhe dhunë, por asnjëherë nuk është dënuar. Gjykatësja refuzoi të dëgjonte shfajësimet e tij.
Canaku pranoi sjelljet e dhunshme, zotërimin e një arme të ftohtë dhe të një arme sulmi. Avokatja e tij u përpoq të lehtësonte dënimin me punë komunitare ose pezullim duke qenë se nuk kishte precedentë penalë.
Babai i Canakut, me profesion polic ishte vrarë në Shqipëri. Ai kërkoi azil në Britani, kishte qëndruar për një kohë të shkurtër me një burrë të moshuar përpara se të merrej nga shërbimet sociale. I riu e braktisi shkollën pa marrë kualifikime.
Canaku u dënua me 22 muaj burg./tvklan.al
Burimi informacionit @TvKlan: Lexo me shume ne : www.botasot.al
