Takimi i Ramës me emigrantët shqiptarë në Athinë, flet kryeministri grek: Rruga e anëtarësimit të Shqipërisë në BE kalon në mënyrë të pashmangshme nga ne

takimi i rames me emigrantet shqiptare ne athine flet kryeministri grek rruga e anetaresimit te shqiperise ne be kalon ne menyre te pashmangshme nga ne































Në një intervistë për një media maqedonase, kryeministri grek Kyriakos Mitsotakis është pyetur dhe në lidhje me takimin e Edi Ramës në Athinë me emigrantët shqiptarë.

mistotakis rama

Konkretisht, Mitsotakis është pyetur në lidhje me raportet mes Shqipërisë dhe Greqisë, të cilat po kalojnë një periudhë recesioni për shkak të rastit Fredi Beleri.

Kryeministri grek është shprehur se Shqipëria ka shkelur vlerën e shtetit ligjor, ndërsa theksoi se procesi i integrimit të vendit tonë në Bashkimin Europian, do të kalojë përmes vendit të tij.

Pjesë nga intervista:

Kryeministri shqiptar z. Edi Rama mbajti një fjalim të pazakontë parazgjedhor në Galatsi, në një kohë kur marrëdhëniet greko-shqiptare po kalojnë një periudhë recesioni dhe për shkak të paraburgimit të Fredi Belerit. A jeni të shqetësuar për tensionet e kahershme në marrëdhëniet tona me shtetin fqinj? Dhe cili do të ishte mesazhi juaj për Edi Ramën sot?

Mistotakis: Vizita e Edi Ramës këtu ishte private, ashtu si fjalimet përkatëse parazgjedhore që ai ka planifikuar tashmë në vende të tjera, në funksion të zgjedhjeve në Shqipëri. Qeveria nuk kishte arsye ta ndalonte. Thjesht sepse Republika Helenike nuk ka pse të frikësohet nga një ngjarje e tillë.

Çështjet në marrëdhëniet greko-shqiptare sigurisht që mbeten. Dhe kryeministri i Shqipërisë nuk mund të anashkalojë kushtet për anëtarësimin e vendit të tij në BE. Së pari, respektimi i shtetit ligjor, i cili është i parashikuar në nenin 2 të Traktatit për Bashkimin Evropian.

Do të jem i qartë: me paraburgimin e paligjshëm të kryetarit të zgjedhur të Bashkisë së Himarës, tashmë kandidat i ND-së për Parlamentin Europian, Fredi Beleri, Shqipëria shkel vlerën e shtetit ligjor, duke shfuqizuar të drejtën e tij të vetëkuptueshme për t’u gjykuar, prezumimi i pafajësisë. Prandaj, kjo nuk është vetëm një çështje dypalëshe, por kryesisht një çështje evropiane. Dhe duke qenë se rruga e anëtarësimit të Shqipërisë varet nga respektimi i të drejtave themelore të minoritetit grek, ajo kalon në mënyrë të pashmangshme nga vendi ynë. Jo për të “pajtuar” apo “ndëshkuar”. Por për të parë Shqipërinë duke u bashkuar pa probleme në rrugën e vlerave europiane.

NDIQE LIVE “PANORAMA TV” <!–

–> © Panorama.al Burimi informacionit @Panorama.al: Lexo me shume ne :bota sot www.botasot.al

Spread the love

Similar Posts