Të paktën 99 të vdekur nga shpërthimi i një cisterne karburanti

21:21 06/11/2021

Të paktën 99 persona humbën jetën të premten në kryeqytetin e Sierra Leones kur një cisternë karburanti shpërtheu pas një përplasjeje, sipas morgut qendror dhe autoriteteve lokale.

Qeveria nuk e ka konfirmuar ende numrin e të vdekurve, por menaxheri i morgut qendror shtetëror në Freetown tha se ishin sjellë 99 trupa pas shpërthimit.

Mes viktimave ishin disa persona që ishin grumbulluar për të marrë karburantin që po rridhte nga automjeti i aksidentuar, tha Yvonne Aki-Sawyerr, kryebashkiakja e qytetit port, në një postim në Facebook.

“Kemi shumë viktima, kufoma të djegura,” tha Brima Bureh Sesay, kreu i Agjencisë Kombëtare të Menaxhimit të Fatkeqësive, në një video nga vendi i ngjarjes të shpërndarë në internet. “Është një aksident i tmerrshëm.”

Pamjet e shpërndara në internet tregonin disa viktima të djegura rëndë të shtrirë në rrugë ndërsa zjarri shpërtheu u përhap nëpër dyqane dhe shtëpi aty pranë. Reuters nuk ishte në gjendje të verifikonte menjëherë imazhet.

Aki-Sawyerr i quajti videot dhe fotot “rrëqethëse”.

Kryebashkiakja tha se shkalla e dëmit nuk ishte ende e qartë, duke shtuar se policia dhe zëvendësi i saj ishin në vendngjarje për të ndihmuar zyrtarët e menaxhimit të fatkeqësive.

“Ngushëllimet e mia të thella për familjet që kanë humbur të dashurit dhe ata që janë lënduar,” shkruante presidenti Julius Maada Bio.

“Qeveria ime do të bëjë gjithçka për të mbështetur familjet e prekura.”/VOA

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *