Të shtëna me armë zjarri në Kolumbi, 5 persona qëllohen për vdekje

Pesë persona, përfshirë një vajzë 15-vjeçare u qëlluan për vdekje në Kolumbinë jug-perëndimore të dielën nga grupe të armatosura.

Gjashtë persona të tjerë mbetën të plagosur. Një komandant ushtarak fajësoi një grup rebelësh për sulmin.

Qeveria nënshkroi një marrëveshje paqeje me Forcat e Armatosura Revolucionare të krahut të majtë të Kolumbisë (Farc) pesë vjet më parë, por disa anëtarë të Farc, të cilët nuk ishin dakord me marrëveshjen, u shkëputën dhe kanë vazhduar të jenë aktivë.

Zyrtarët e ushtrisë thanë se disa burra të armatosur kishin hapur zjarr ndaj “një vendi publik” në një zonë rurale jashtë qytetit të Tumaco. Mediat lokale e përshkruan vendin si një diskotekë.

Dy persona u vranë në vendngjarje dhe tre të tjerë vdiqën më vonë në spital. Mediat lokale raportuan se një nga të vrarët ishte dhe një vajzë 15-vjeçare.

Gjeneralmajor Varlvaro Vicente Perez i ushtrisë kolumbiane ka thënë se faji ishte një grup ish-rebelësh disidentë të Farc që e quanin veten Kolona Uriel Rendon.

Në korrik, rebelët disidentë Farc morën përgjegjësinë për një sulm mbi një helikopter që mbante presidentin Ivan Duque dhe vendosjen e një bombe jashtë një baze ushtarake në qytetin verior të Cucuta, në të cilin u plagosën 36 persona.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *