“Të vendosen përpara drejtësisë personat e korruptuar”/ BE: Është jetike për të ardhmen e integrimit europian të Shqipërisë









Delegacioni i Bashkimit Europian në Shqipëri bën thirrje për intensifikimin e veprimeve kundër korrupsionit në vendin tonë.

bashkimieuropian

Me anë të një postimi në Facebook, Unioni thotë se nxjerrja përpara drejtësisë e atyre që janë të përfshirë në akte korrupsioni, është jetike për të ardhmen e popullit shqiptar dhe për integrimin e Shqipërisë në BE.

Sipas BE-së, korrupsioni shteron burimet jetike të vendit dhe ndikon në shtetin ligjor dhe në besimin e publikut tek institucionet.

Postimi i Delegacionit të Bashkimit Europian:

Korrupsioni shteron burimet jetike të Shqipërisë, ndikon në shtetin ligjor dhe në besimin e publikut tek institucionet, si dhe ngadalëson ndjeshëm zhvillimin ekonomik. Në Ditën Ndërkombëtare kundër Korrupsionit, u bëjmë thirrje gjithë institucioneve që të intensifikojnë veprimet e tyre kundër korrupsionit dhe të nxjerrin para drejtësisë gjithë ata që janë të përfshirë në akte korrupsioni. Është jetike për të ardhmen e popullit shqiptar dhe për anëtarësimin e Shqipërisë në BE. BE-ja qëndron krah Shqipërisë dhe popullit të saj në këtë luftë.

bashkimieuropian

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *