Tensione dhe në Izrael, vriten 4 palestinezë në kampin e refugjatëve

Katër palestinezë janë vrarë si pasojë e përleshjeve gjatë bastisjeve izraelite për të arrestuar një të dyshuar në Bregun Perëndimor, kanë thënë burimet lokale.

Policia izraelite ka thënë se forcat janë përleshur pas hyrjes në kampin e refugjatëve Jenin, për të arrestuar të dyshuarin nga grupi islamist, Hamas.

Agjencia e lajmeve palestineze, Wafa, ka thënë se katër burra palestinezë janë vrarë dhe i pesti është i plagosur seriozisht.

Policia kufitare izraelite ka thënë se zyrtarë nga një njësi e fshehtë “janë përballur me të shtëna me armë zjarri nga terroristët” teksa janë bërë përpjekje për të arrestuar të dyshuarin në orët e para të mëngjesit.

Sipas agjencisë së lajmeve palestineze, Maan, forcat izraelite kanë shtënë me armë zjarri, pasi janë zënë në pritë.

Presidenti palestinez, Mahmoud Abbas, i ka quajtur vrasjet “krim i ulët”, që mund të ndikojnë në përshkallëzim të dhunës.

Abbas e ka mbajtur përgjegjëse “Qeverinë izraelite për këtë përshkallëzim” dhe i ka bërë thirrje komunitetit ndërkombëtar “që të ofrojë mbrojtje për popullin palestinez”.

Ky incident vjen disa javë pas përfundimit të konfliktit 11-ditor në mes të Izraelit dhe grupeve militante palestineze në Gaza.

Të paktën 256 persona janë vrarë në Gaza, kanë raportuar Kombet e Bashkuara, 13 prej të cilëve janë vrarë në Izrael.

/REL

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *