Agjencia civile e spiunazhit të Kinës ka ekspozuar një shtetas kinez që dyshohet se ka dhënë informacione sekrete ushtarake për CIA-n, e fundit në një varg akuzash publike për spiunazh midis Uashingtonit dhe Pekinit.
Në një deklaratë të premten, Ministria e Sigurisë Shtetërore e Kinës tha se i dyshuari, i identifikuar me mbiemrin Zeng, punonte për një grup industrial ushtarak kinez të paidentifikuar në një rol që i jepte atij akses në informacione të rëndësishme sekrete.
Ministria tha se Zeng, 52 vjeç, u dërgua nga punëdhënësi i tij për të zhvilluar studimet e tij në Itali.
Sipas autoriteteve kineze atje dyshohet se atij iu afrua një zyrtar i ambasadës amerikane dhe ata gradualisht zhvilluan një “marrëdhënie të ngushtë” përmes aktiviteteve të tilla si darka, daljet dhe shikimi i operave, sipas deklaratës.
Ministria pretendoi se ndërsa angazhimi i tyre u thellua, zyrtari amerikan zbuloi se ishte një oficer i CIA-s. Zeng dyshohet se iu ofrua “një sasi e madhe” parash dhe emigrimi në SHBA për familjen e tij, në këmbim të informacionit të ndjeshëm për ushtrinë kineze, thuhet në deklaratë.
Burimi informacionit @BalkanWeb: Lexo me shume ne : bota sot www.botasot.al
