Tensionet në veri të Kosovës/ “Respektojmë misionin e KFOR-it”, Vuçiç pas takimit me Stoltenberg: Serbia do t’i përmbahet të drejtës ndërkombëtare

Në një konferencë pas takimit me Sekretarin e Përgjithshëm të NATO-s, Jens Stoltenberg, presidenti serb Alekksandër Vuçiç u shpreh se shteti i tij respekton misionin e KFOR-it.

“Kemi folur për atë që ka ndodhur. Nuk kemi nevojë që të shohim secilën herë situatën sipas një perspektive. E respektojmë misionin e KFOR-it dhe njoftimi i tyre atë natë ka ndikuar në ulje të tensioneve”, ka thënë Vuçiç, duke iu referuar deklaratës së misionit të NATO-s më 31 korrik, se është e gatshme të ndërhyjë nëse përshkallëzohet situata në veri të Kosovës.

Ai shtoi se paqja dhe stabiliteti janë të një rëndësie vendimtare për Serbinë.

“Nesër do të kemi bisedime të vështira, nuk pajtohemi pothuajse për asgjë me Prishtinën. Serbia do t’i përmbahet të drejtës publike ndërkombëtare, Marrëveshjes së Brukselit. Sa i përket marrëdhënieve dypalëshe, theksova se Serbia me dëshirë është neutrale dhe kështu do të mbetet”, tha Vuçiç.

Presidenti serb theksoi se duan të shmangin çdo lloj përshkallëzimi dhe konflikti.

“Ne shpjeguam qëndrimin tonë, kam dorëzuar listën e inkursioneve të njësive speciale në veri, për të cilat duhet të kishin pëlqimin katër kryetarë komunash”, tha ai ndërsa këmbënguli se ushtria dhe policia serbe nuk e kaluan kurrë vijën administrative në very të Kosovës.

“I jam mirënjohës NATO-s që nuk ka dalë me të pavërteta të tilla, ndryshe nga disa të tjerë. Askush nuk kërkoi falje për gënjeshtrën se do të sulmonim. Serbia nuk ka nevojë për bazat e huaja të askujt, Serbia është ushtarakisht neutrale, ajo dëshiron të sigurojë vendin e saj dhe popullin e saj. Dhe kështu do të sillet edhe në të ardhmen”, tha Vuçiç.

Pas takimit me Vuçiçin, Stoltenberg do të bisedojë edhe me kryeministrin e Kosovës Albin Kurti.

Ndërkohë Vuçiç do të takojë sot në Bruksel edhe të dërguarin e BE-së për dialog, Miroslav Lajçak dhe më pas me të dërguarin special të SHBA-së për Ballkanin Perëndimor, Gabriel Escobar.

Takimet vijnë në kuadër të takimit të radhës mbi dialogun që do të mbahet nesër Mes Kurit dhe Vuçiçit.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb


Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published.