Tensionohen marrëdhëniet SHBA-Kore e Veriut

08:51 02/05/2021

“SHBA po ndjek politika armiqësore ndaj nesh”

Koreja Veriore ka kritikuar administratën e presidentit amerikan Joe Biden, e cila po përgatitet që të prezantojë strategjinë ndaj Penianit dhe programit të tij bërthamor. Ministria e Jashtme koreane tha se komentet e fundit të Washingonit treguan se kreu i Shtëpisë së Bardhë synon të zbatojë “politika armiqësore” ndaj këtij shteti.

Më herët gjatë kësaj jave, Biden e konsideroi programin bërthamor të Koresë Veriore si “kërcënim serioz” për sigurinë globale.

Zëdhënësja e Shtëpisë së Bardhë Jen Psaki deklaroi se presidenti amerikan ka mësuar nga përvojat e administratave të kaluara, të cilat kanë tentuar, por kanë dështuar që ta bëjnë Korenë Veriore të heqë dorë nga programi i armëve bërthamore.

Ndaj ajo theksoi se politika e administratës Biden nuk do të fokusohet në arritjen e një marrëveshjeje të madhe dhe as në strategji me bazë durimi, duke shtuar se SHBA-ja do të krijojë qasje, e cila është e hapur dhe do të jetë në kërkim të diplomacisë.

Pehniani dënoi gjithashtu deklaratat e Washingtonit për të drejtave të njeriut në Korenë e Veriut, duke theksuar se ato kane ofenduar dinjitetin e liderit Kim Jong-un, dhe tregojnë se SHBA-ja “është duke hyrë vetë në një përballje gjithëpërfshirëse”.

Ende nuk është bërë e qartë se cilave komente për të drejta të njeriut u është referuar Peniani, mirëpo e përditshmja amerikane Washington Post ka raportuar se Shtëpia e Bardhë pritet të emërojë një të dërguar special për të drejta të njeriut në Korenë Veriore.

Tv Klan

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *