Tërmeti i fuqishëm në Marok, mbi 1300 viktima

[embedded content][embedded content]

22:03 09/09/2023

1820 të plagosur, dëme te shumta materiale

Ky është njëri prej momenteve të tmerrit të shembjes së mijëra ndërtesave në Marok nga një lëkundje e fuqishme tërmeti me magnitudë 6.8 të shkallës Rihter që tronditi vendin afrikanoverior natën e kaluar. Autoritetet konfirmuan se të paktën 1300 persona kanë humbur jetën, ndërsa mbi 1820 janë plagosur. Bilanci tragjik pritet të rëndohet edhe më tej se qindra persona të tjetër raportohen të zhdukur dhe kërkimet e forcave të shpëtimit janë ende në fillim.

Epiqendra e tërmetit u regjistrua rreth orës 11 të natës së të Premtes, 71 kilometra në jugperëndim të qytetit historik të Marrakeshit, por lëkundjet u ndjenë në gjithë vendin. Autoritetet vendase thanë se nuk ka qytezë ku lëkundjet e forta nuk u ndjenë. Pas lëkundjeve, banorët në gjithë vendin braktisën shtëpitë dhe u dyndën rrugëve për të shpëtuar.

Ekipet e emergjencës janë në luftë me kohën për gjetjen e sa më shumë të mbijetuarve nën rrënoja, por siç bëjnë të ditur autoritetet vendase, zona ku u regjistruan lëkundjet dhe ku ka më tepër dëme është malore dhe shumë e thepisur dhe arrihet me vështirësi. Në ndihmë të tyre janë angazhuar qindra trupa ushtarake.

Mes qyteteve më të dëmtuar është Marrakeshi, që ndodhet pranë epiqendrës. Qyteti që e ka zanafillën që në shekullin e 12 është nën mbrojtjen e UNESCO-s, por tërmeti ka shkaktuar krahas viktimave edhe dëme të shumta në ndërtesat historike të islamizmit të hershëm.

Autoritetet u bënë thirrje qytetarëve të ndihmojnë ekipet e emergjencës, ndërsa shumë prej tyre u janë përgjigjur thirrjes për të dhuruar gjak. Liderë të ndryshëm botërorë si presidenti amerikan Joe Biden e presidenti francez Emmanuel Macron, kancelari gjerman Olaf Scholz shprehën ngushëllimet për këtë tragjedi dhe ofruan ndihmat e tyre. Ekspertët e konsiderojnë këtë si tërmetin më të fuqishëm të paktën në 100 vitet e fundit, me një magnitudë të pazakontë, pasi më herët në Marok nuk janë regjistruar lëkundje mbi 6 ballë. Në ndër të viktimave të këtij tërmeti qeveria marokene shpalli 3 ditë zije.

Tv Klan


Të ngjashmeBurimi informacionit @TvKlan: Lexo me shume ne :bopta sotwww.botasot.al

Spread the love

Similar Posts