TEUTA KAMPIONE, durrsakët fitojnë titullin e dytë dhe shkruajnë historinë me Martinin






Durrësi në delir! Teuta shpallet për herë të dytë kampione e Shqipërisë. Fitorja e sotme 6-1 ndaj Apolonisë ka vulosur titullin për “djemtë e detit”, të cilët kishin plot 27 vite që prisnin të merrnin trofeun më të rëndësishëm në vend.

Teuta25

Dejvi Bregu ka qenë heroi i ndeshjes së sotme, me tri gola që vulosën titullin dhe gjithashtu e shpallën kryegaolshënues të Superiores. Lorenco Vila, kapiteni Renato Arapi dhe Sebino Plaku në fund plotësuan triumfin e thellë, aq sa i duhej Teutës për të mos u dëmtuar aspak nga fitorja 2-0 e Vllaznisë ndaj Laçit. Goli që shkurtoi porivizorisht shifrat nga Redon Mihana për Apoloninë u duk sikur tronditi durrsakët, por gjithsesi sot ishte dita e tyre dhe nuk e vunë asnjëherë në diskutim fitoren.

Fierakët u munduan t’ua bënin të vështirë durrsakëve, por nuk kishin forcën e duhur, në një kohë që e mbyllën me 9 lojtarë pas kartonëve të kuq të mbrojtësve Serjan Repaj dhe dhe Elion Sota në pjesën e dytë. I pranishëm gjatë gjithë ndeshjes në Durrës ishte edhe presidenti i FSHF-së, Armand Duka, i cili dorëzoi edhe trofeun e kampionit. Teuta do të marrë pjesë tashmë në turin e parë të Ligës së Kampioneve.

FT: TEUTA-APOLONIA 6-1

Bregu 16′,  49′, 65′ (p), L.Vila 27′, Arapi 77′ , Plaku 90+2′ / Mihana 33′

KOMENTI LIVE: 

90+2′ GOOOL TEUTA 6-1/ Durrsakët realizojnë edhe të gjashtin me Sebino Plakun. 

79’ Rimal Haxhiu harkon në zonë, Jeboah me kokë, mbi traun e portës.

77′ GOOOOL TEUTA 5-1/ Shënon edhe kapiteni Renato Arapi. Goli i parë në këtë kampionat për mbrojtësin durrsak. Goditje këndi për Teutën, Bregu harkon në zonë dhe aty kapiteni Arapi kërcen me kokë, duke fituar duelin me Omerin dhe mposhtur Harizajn, 5-1 për Teutën.

73′ Zëvendësim te Apolonia, largohet Gjata, vendin e tij e merr Omeri.

65′ GOOOOL TEUTA 4-1/ Dejvi Bregu realizon me 11-metërsh. Fierakët me 9 lojtarë pas daljes me karton të kuq të Sotës. Xhekson futet bukur në zonë nga e majta, gjuan tokazi, por pret Harizaj dhe topi shkon te Bregu, që gjuan dhe “sfera” preket me dorë nga Elion Sota. Gjyqtari Hamiti akordon penallti dhe e ndëshkon direkt me karton të kuq mbrojtësin e Apolonisë, teksa fierakët mbeten me 9 lojtarë. Nga pika e bardhë gjuan saktë Bregu dhe 4-1.

59′ Zëvendësim te Apolonia, largohet nga fusha Vasilj, vendin e tij e merr Haxhiu.

55′ Teuta kryen zëvendësimin e parë, largohet nga fusha, Gruda, vendin e tij e merr Krasniqi.

53′ Apolonia me 10 lojtarë. Serjan Rrepaj ndëshkohet me kartonin e dytë të verdhë! Durrsakët gjithnjë e më pranë titullit. Mbrojtësi kargon një top në shenjë proteste dhe ndëshkohet me të verdhë duke dalë automatikisht me të kuq dhe duke lënë Apoloninë me 10 lojtarë. Në pjesën e parë kishte marrë një karton të verdhë për ndërhyrje të parregullt.

49′ GOOOOL TEUTA 3-1/ Eurogol i Dejvi Bregut nga goditja e dënimit! Shpërthen festa në tribuna! Nga rreth 22 metra larg portës, vlonjati ekzekuton mjeshtërisht, duke realizuar një supergol, me topin që përfundon në trekëndësh pas gjuajtjes me të djathtën.

46′ Starton pjesa e dytë!

Mbyllet pjesa e parë! 

45′ Akordohet 1 minutë shtesë!

37′ Mario Vasilj ndëshkohet me karton të verdhë për ndërhyrje të gabuar në mesfushë.

33′ GOOOOL APOLONIA 2-1/ Fantastik Mihana që ngushton diferencën me një realizim fantastik me të majtën nga jashtë zonës. Sulmuesi i Apolonisë bën një lëvizje fantastike ndaj Xheksonit dhe Karabecit, e më pas gjuan me të majtën nga një pozicion diagonal jashtë zone, duke e dërgon topin në cepin e portës, atje ku Frashëri nuk ka çfarë të bëjë, 2-1.

30′ Repaj ndëshkohet me karton të verdhë.

27′ GOOOOL TEUTA 2-0/ Kombinime fantastike të Bregut me Xhekson në krahun e majtë, ky i fundit jep një top tokazi në zonë, aty ku Lorenco Vila i vidhet mbrojtësit Zogaj dhe i vetëm me Harizajn, e shtyn topin në rrjetë, 2-0 për Teutën.

25’ Smaçi kroson në zonë nga një goditje dënimi në zonë, Rrepaj devijon me kokë, por jashtë.

17’ Emiliano Vila jep një asist fantastik te Gruda, që futet në zonë dhe gjuan tokazi, por pret Harizaj.

16′ GOOOOL TEUTA 1-0/ Inkursion fantastik Dejvi Bregu, që nga e majta futet në qendër, duke nxjerr blof Shanajn dhe Sotën, teksa me një goditje mjaft të bukur nga rreth 22 metra tokazi, mposht portierin Harizaj, 1-0 për Teutën.

14’ Dejvi Bregu iu vidhet mbrojtësve fierakë në krahun e majtë, e më pas shërben te Gruda, i cili shfaqet i lirë brenda zonës, por me portën e boshatisur i habit të gjithë, duke goditur jashtë.

6’ Sulmuesi Mario Vasilj kërkon të befasojë portierin Frashëri pas një goditje nga rreth 30 metra, por topi përfundon jashtë.

1′ Starton sfida!

FORMACIONET ZYRTARE:

TEUTA-APOLONIA

TEUTA: Frashëri, Todorovski, Hoxha, Arapi, Xhekson, Karabeci, Daja, E. Vila, L. Vila, Bregu, Gruda. Trajner: Edi Martini.

APOLONIA: Harizaj; Agiare, Sota, Repaj; Zoga, Smaçi, Shanaj, Yeboah, Mihana, Vasilj, Gjata. Trajner: Fabrikio Kamarata.

Teuta22

PANORAMASPORT.AL

© Panorama.al Burimi informacionit @Panorama.al: Lexo me shume: botasot.al

Spread the love

Similar Posts

Leave a Reply

Your email address will not be published. Required fields are marked *