Tragjedia në Iskia jo vetëm nga moti i keq, shkak edhe ndërtimet pa leje

22:08 29/11/2022

Tragjedia e të shtunës në ishullin turistik të Iskias në jug të Italisë ku humbën jetën 8 persona e ku ende po kërkohet për 5 të zhdukur nuk ishte vetëm për faj të motit të keq.

Ekspertët thonë për mediat italiane se një prej problemeve më të mëdha, me të cilat përballen autoritetet lokale të ishullit janë ndërtimet pa leje.

E përditshmja ‘Il Giornale’ shkruan se prej 1985-ës, banorët vendas kanë bërë 27 mijë kërkesa për legalizime ndërtesash, çka do të thotë se gjysma ndërtimeve janë pa leje.

Si të tilla ato janë ndërtuar edhe në zona të rrezikshme, thonë ekspertët, sipas të cilëve jo kudo mund të ndërtohet pasi ishulli ka aktivitet të lartë vullkanik e sizmik. Për më tepër, rastet e fatkeqësive natyrore si pasojë e motit janë shtuar me 42% për shkak të ngrohjes globale.

Banorët që humbën jetën si pasojë e katastrofës së fundit të shkaktuar nga reshjet e dendura, mes të cilëve 4 fëmijë, ndodheshin pikërisht brenda ndërtesave të ngritura në zonat me rrezikshmëri të lartë nga rrëshqitjet e tokës.

Tv Klan

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *