Transport falas në Spanjë që nga 1 Shtatori

transport falas ne spanje qe nga 1 shtatori
transport falas ne spanje qe nga 1 shtatori
[embedded content][embedded content]

20:40 31/08/2022

Skema e qeverisë spanjolle pritet të kushtojë 221 milionë Euro

Kostot e larta të jetesës po rëndojnë gjithnjë e më shumë qytetarët evropiane. Në të tilla kushte disa qeveri po ndërhyjnë në mënyrë që t’u vijë në ndihmë atyre. Së fundmi qeveria spanjolle do të ofrojë transport publik falas për të gjithë qytetarët për të gjitha rrugët ndërqytetëse lokale dhe të mesme. Përjashtim bëjnë udhëtimet në distanca të gjata. Por si e kanë pritur qytetarët këtë vendim të qeverisë së tyre?

“Mendoj se është një ide vërtet e mirë dhe është e dobishme për udhëtimet në distancë të mesme sidomos  për të vizituar familjen”.

Një tjetër qyetare thotë se tani  do të kursejë rreth 80 deri në 90 euro në muaj.

 “Në rastin tim që udhëtoj nga Parla në Atocha, nuk e kam llogaritur, por është nga 80 deri në 90 euro dhe tani është falas”,

Pothuajse gjysmë milioni njerëz kanë porositur tashmë kartat e transportit falas dhe operatori hekurudhor shtetëror Renfe pret që skema, në fuqi deri në fund të vitit, të rezultojë në 75 milionë udhëtime hekurudhore falas.

Gjermania ka promovuar një nismë të ngjashme,  e cila filloi në qershor dhe  përfundoi në shtator, e cila rezultoi  një sukses pasi edhe  reduktoi trafikun në qytetet kryesore.

Skema spanjolle, e cila përfshin edhe ulje për llojet e tjera të transportit publik, do të kushtojë 221 milionë euro. Është pjesë e paketës së fundit të ndihmës për të zbutur rritjet e çmimeve, miratuar në qershor, me një vlerë totale prej 9.5 miliardë eurosh, duke përfshirë uljen e tatimit mbi vlerën e shtuar dhe përjashtimet e Sigurimeve Shoqërore.

Klan News

Burimi informacionit @TvKlan: Lexo me shume ne : www.botasot.al

Spread the love

Similar Posts