Me ikjen e kreut të ish-kryeministrit italian dhe liderit të Forza Italia Silvio Berlusconi është hapur loja e trashëgimisë politike. Giorgia Meloni e ka kujtuar në një video dhe për nder të tij po përgatitet të nisë sot në Këshillin e Ministrave pjesën e parë të reformës në drejtësi.
“Do t’ju bëjmë krenarë”, është premtimi i kryeministres. Dhe kjo tingëllon si deklarata e dikujt që është gati të përballet me sfidën e trashëgimisë politike të udhëheqjes së qendrës së djathtë, duke e mbajtur atë të bashkuar dhe të aftë për të qeverisur. Një sfidë në të cilën ka variablin e lidhur me fatin e Forza Italia, ku në orët e fundit ka ndodhur një sqarim i dyfishtë. Njëra është e brendshme, për të nisur një fazë të re. Dhe një me djemtë e Berlusconit, të cilët kanë qetësuar drejtuesit e “krijesës politike” të babait të tyre: pa shkëputje, partia mund të llogarisë mbështetjen e familjes.
Çfarë mund të ndodhë
Sipas analizës së Financial Times, shpërbërja eventuale e Forza Italia do të krijonte “një mundësi politike” për kryeministren Meloni për të formuar një parti të madhe të krahut të djathtë, një operacion që Cavaliere nuk arriti ta bënte.
Shumica vënë bast se momenti për këtë ndryshim do të piqet vetëm pas zgjedhjeve europiane, kur IHD, Lega dhe FI do të peshojnë konsensusin e tyre me sistemin proporcional. Deri atëherë, status quo-ja duhet të ruhet, ose të paktën ky është qëllimi i përbashkët që është forcuar mes Melonit, zëvendëskryeministrit Antonio Tajani – më i larti në rang në FI – dhe Gianni Letta, deri në fund dora e djathtë e Berlusconit. Roli i ardhshëm i Marta Fascinës mbetet një enigmë, por askujt nuk i ka munguar afërsia mes partneres së Berlusconit dhe vajzës së madhe Marina në funeral. Me statut, Komiteti Presidencial duhet të mbledhë “menjëherë” Këshillin Kombëtar për “zëvendësimin e përkohshëm” të presidentit, “për periudhën rreptësisht të nevojshme për mbledhjen e Kongresit Kombëtar”, i cili ka ndër detyrat e tij zgjedhjen e presidentit.
Burimi informacionit @BalkanWeb: Lexo me shume ne : bota sot www.botasot.al
