Presidenti turk Rexhep Tajip Erdogan tha se vendi i tij dëshiron të rrisë bashkëpunimin me Kubën dhe të dy vendet nënshkruan gjashtë marrëveshje në fushat e medias dhe komunikimit, kulturës dhe diplomacisë.
Në një konferencë të përbashkët për shtyp në kryeqytetin Ankara, Erdogan tha se vizita historike e presidentit kuban Miguel Diaz-Canel do të ishte një moment historik i ri në marrëdhëniet Turqi-Kubë.
“I kushtoj rëndësi forcimit të bashkëpunimit dhe solidaritetit tonë, veçanërisht me Kubën, një nga partnerët tanë kryesorë në rajon”, shtoi ai.
Të dy krerët diskutuan mënyrat për të zhvilluar bashkëpunimin në fusha të tilla si energjia, turizmi, ndërtimi, bujqësia, zhvillimi, shëndetësia dhe mjedisi.
Erdogan tha se embargoja amerikane ndaj Kubës pengoi zhvillimin e tregtisë së Turqisë me këtë vend, por të dyja palët duan të rrisin vëllimin e tregtisë dypalëshe në 200 milionë dollarë amerikanë.
Nga ana e tij, Diaz-Canel u shpreh se u vu re një vendosmëri e përbashkët për të zhvilluar marrëdhëniet politike mes dy vendeve dhe ranë dakord të forcojnë shkëmbimet duke shfrytëzuar mundësitë e disponueshme.
Udhëheqësi kuban theksoi se lidhjet dypalëshe u zhvilluan “në bazë të respektit” gjatë historisë.
Burimi informacionit @BalkanWeb: Lexo me shume ne : www.botasot.al
