Turqia do të mbështesë Azerbajxhanin për zhvillimin e bujqësisë

Ministri i Bujqësisë dhe Pylltarisë i Turqisë, Bekir Pakdemirli, ka bërë të ditur se vendi i tij është i gatshëm të sigurojë çdo lloj mbështetjeje për Azerbajxhanin për të ndihmuar në zhvillimin bujqësor të rajoneve të çliruara nga pushtimi i Armenisë.

Gjatë vizitës së tij në Baku të Azerbajxhanit, Pakdemirli tha se fitorja ushtarake e Azerbajxhanit duhet të kurorëzohet me një triumf ekonomik.

Duke theksuar rëndësinë e restaurimit dhe zhvillimit të pasluftës në rajonin e Karabakut, ai tha se Turqia do të ndihmojë trajnimin e fermerëve në fushën e ujitjes dhe pyjeve.

“Në luftë dhe paqe, Turqia është gjithmonë pranë vëllait të saj, Azerbajxhanit”, tha Pakdemirli.

Në fund të vitit të kaluar gjatë një lufte gjashtë-javore të Karabakut, Azerbajxhani çliroi disa qytete strategjike dhe pothuajse 300 vendbanime dhe fshatra nga pushtimi armen.

Para kësaj fitoreje, rreth 20 për qind e territorit të Azerbajxhanit ka qenë nën pushtim ilegal të Armenisë për gati tre dekada.//AA

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *