Udhëheqësja politike e Mianmarit, Suu Kyi përballet me akuza të reja penale

Udhëheqësja politike e Mianmarit (Birmani), Aung San Suu Kyi, përballet me një akuzë të re penale, tha të hënën avokati i saj. “Ajo është akuzuar në gjashtë çështje së bashku”, i tha AFP-së, avokati, Min Min Soe.

Suu Kyi po mbahet në arrest që nga 1 shkurti, kur ushtria e Mianmarit bëri grusht shtet duke e rrëzuar qeverinë e saj nga pushteti. Partia e Suu Kyisë, Liga Kombëtare për Demokraci, ka fituar me shumicë votash zgjedhjet e vitit të kaluar, mirëpo ushtria tani beson se procesi është manipuluar.

Që nga 1 shkurti kanë shpërthyer protestat përmes së cilave kërkohet kthimi i qeverisë civile në këtë vend. Të shtunën, forcat e sigurisë në Mianmar kanë shtënë drejt protestuesve me granata që hidhen nga pushka, në qytetin Yangon, duke vrarë mbi 80 persona, tha Shoqata e Ndihmës për të Burgosurit Politikë (AAPP) si dhe mediat lokale. Deri më tani, rreth 600 civilë janë vrarë në protesta, ndërsa mijëra janë arrestuar. Komuniteti ndërkombëtarë e ka dënuar puçin në Mianmar. Gjeneralët e ushtrisë së Mianmarit janë përballur me sanksione të disa vendeve perëndimore.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *