Ujërat e zeza të lagjes së re në Bulqizë, “përmbytin” rrugën e Arbrit

ujerat e zeza te lagjes se re ne bulqize permbytin rrugen e arbrit
ujerat e zeza te lagjes se re ne bulqize permbytin rrugen e arbrit

Segmenti i rrugës së Arbrit mes dy lagjeve të qytetit të Bulqizës vijon të jetë problematik për të gjithë ata që qarkullojnë në të. Jo vetëm kur ka reshje shiu, por edhe tani me reshje dëbore, rruga është përmbytur nga vërshimi i ujit. Siç duket nga pamjet, më shumë se gjysma e rrugës poshtë urës që lidh dy lagjet e qytetit është e mbushur me ujë.

Qytetarët thonë se pjesa më e madhe e këtij uji vjen nga lagjja e re dhe janë ujërat e zeza të cilat rrjedhin në sipërfaqe si pasojë e dëmtimit të rrjetit nga punimet që po kryhen në këtë lagje.

Ndërkohë këto ujëra janë përzier edhe me ujërat e dëborës që ka nisur të shkrihet në zonë. Sakaq, prania e ujit ka vështirësuar qarkullimin e automjeteve të cilat duhet të shmangin pellgun e krijuar poshtë urës dhe të rrezikojnë të përplasen me automjetet e tjera.

Kjo nuk është hera e parë që ujërat e zeza të lagjes së re të Bulqizës bëhen problem jo vetëm për ndotjen e mjedisit, por tashmë edhe për automjetet që përdorin rrugën e Arbrit për të lëvizur drejt Peshkopisë apo Tiranës.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Burimi informacionit @BalkanWeb: Lexo me shume ne :bota sot www.botasot.al

Spread the love

Similar Posts