Ukraina ndalon eksportet e grurit, tërshërës dhe produkteve të tjera ushqimore

Qeveria e Ukrainës ka ndaluar eksportin e grurit, tërshërës dhe produkteve të tjera kryesore që janë thelbësore për furnizimet globale të ushqimit, ndërsa autoritetet përpiqen të sigurojnë se si mund të ushqejnë njerëzit gjatë luftës me Rusinë.

Rregullat e reja mbi eksportet bujqësore të prezantuara këtë javë gjithashtu ndalojnë eksportin e hikërrorit, sheqerit, bagëtive të gjalla dhe mishit dhe “nënprodukteve” të tjera nga bagëtia, sipas një njoftimi të qeverisë.

Ndalimi i eksportit është i nevojshëm për të parandaluar një “krizë humanitare në Ukrainë”, për të stabilizuar tregun dhe “për të përmbushur nevojat e popullsisë për produkte ushqimore “, tha Roman Leshchenko, ministri i politikës agrare dhe ushqimore të Ukrainës, në një deklaratë të postuar në faqen e qeverisë dhe faqen e tij në Facebook.

Pushtimi rus i Ukrainës kërcënon furnizimin me ushqim dhe jetesën e njerëzve në Evropë, Afrikë dhe Azi, të cilët mbështeten në tokat bujqësore të rajonit të Detit të Zi të njohur si “shporta e bukës së botës”.

Rusia dhe Ukraina së bashku furnizojnë gati një të tretën e eksporteve botërore të grurit dhe elbit, të cilat janë rritur në çmim që nga pushtimi.

Produktet që ata dërgojnë bëhen bukë, petë dhe ushqim për kafshët në mbarë botën dhe çdo mungesë mund të krijojë pasiguri ushqimore në vende si Egjipti dhe Libani.

Ndalimi i eksporteve ka të ngjarë të zvogëlojë furnizimet globale të ushqimit pikërisht kur çmimet të jenë në nivelin më të lartë që nga viti 2011.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *