13:33 23/03/2022
Rusia ka humbur 15 600 trupa që kur nisi pushtimin e Ukrainës më 24 Shkurt. Kështu pretendon qeveria e Ukrainës. Autoritetet thonë se Rusia ka humbur edhe 517 tanke dhe 1578 mjete të blinduara.
Sky News thotë se nuk mund t’i verifikojë dot shifrat e dhëna nga qeveria ukrainase. Ekspertët shprehen se është në interesin e vendeve që shpesh të raportojnë shifra të fryra kur vjen puna tek dëmet ndaj kundërshtarit.
Këtë muaj, Ministria ruse e Mbrojtjes ka pretenduar se 498 trupa të saj janë vrarë në Ukrainë dhe 1597 janë plagosur. Rusia thotë se shifrat e tjera për ushtarët rusë të vrarë janë të pasakta./tvklan.al
