UNICEF jep alarmin për gjendjen në Gaza

[embedded content][embedded content]

12:49 30/10/2023

Izraeli bën thirrje për evakuimin e një spitali

UNICEF jep alarmin se fëmijët dhe familjet në Gaza po vuajnë edhe për ujë të pijshëm. Sipas një raporti të kësaj organizate, mungesa e energjisë elektrike për shkak të bllokadës së gjithanshme përfshirë edhe furnizimin me naftë ka ndalur së funksionuari edhe impiantet e shkripëzimit të ujit të detit, burimi kryesor i ujit të pijshëm për banorët e Rripit të Gazës.

Sipas OKB-së pavarësisht gati 100 kamionëve me ndihma që kanë hyrë ditët e fundit nga Egjipti, banorët e Rripit të Gazës kanë nevojë për shumë herë më shumë furnizime.

Qartë situata duket në këto pamje ku me mijëra palestinezë shfaqën duke u dyndur e mbajtur radhë në pikat e Kombeve të Bashkuara të shpërndarjes së ndihmave.

Në një konferencë për shtyp, prokurori i gjykatës ndërkombëtare për krimet, Karim Khan tha se privimi i civilëve nga nevojat elementare si ushqimi dhe ilaçet përbën krim lufte.

Ai i bëri thirrje Izraelit që menjëherë të heqë bllokadën ndaj popullsisë civile. Bllokada izraelite megjithatë ka për qëllim që të detyrojë Hamasin të lirojë 220 pengjet e marra në sulmin e befasishëm të 7 Tetorit dhe ta dobësojë grupin e militantëve para sulmit të madh ushtarak që Izraeli ka në plan kundër tyre.

Ushtria izraelite bëri thirrje për evakuimin e plotë të spitalit Al Kuds në Gaza, pas goditjes së disa objektivave pranë këtij spitali ku mendohet se kanë bazat e tyre të fshehta militantët e Hamasit.

Por Ministria e Shëndetësisë nën kontrollin e Hamasit në Gaza tha se evakuimi i spitalit më të madh ende funksional është i pamundur pasi është i mbingarkuar me pacientë veçanërisht në terapinë intensive.

Vëmendje ka tërhequr edhe ky tubim në Dagestan të Rusisë, ku protestues pro-palestinezë mësynë aeroportin rajonal ku sulmuan pasagjerët hebrenj.

Qeveria izraelite i bëri thirrje Moskës të garantojë sigurinë e shtetasve izraelitë.

Tv Klan






Të ngjashmeBurimi informacionit @TvKlan: Lexo me shume ne :bopta sotwww.botasot.al

Spread the love

Similar Posts