Ushtari amerikan dënohet me thuajse 4 vite burg në Rusi

ushtari amerikan denohet me thuajse 4 vite burg ne rusi
ushtari amerikan denohet me thuajse 4 vite burg ne rusi

Një gjykatë ruse ka dënuar një ushtar amerikan me tre vjet e nëntë muaj burgim me akuzën e vjedhjes dhe kërcënimit për vrasjen e të dashurës së tij, njoftuan agjencitë shtetërore të lajmeve.

Sgt Gordon Black u dënua nga një gjykatë në Vladivostok në lindjen e largët të Rusisë dhe do të vuajë burgun e tij në një koloni penale. Sgt Black, i cili u arrestua në maj, ishte deklaruar i pafajshëm për akuzat për kërcënimin e vrasjes, por pranoi se ishte “pjesërisht” fajtor për vjedhjen e 10,000 rubla (116 dollarë; 89 £) prej saj.

Ai do të apelojë vendimin, thanë agjencitë shtetërore të lajmeve. Prokurorët kishin kërkuar që ai të dënohej me katër vjet e tetë muaj, ndërsa mbrojtja e tij kërkoi që ai të shpallej i pafajshëm. Zyrtarët amerikanë thanë se Sgt Black, 34 vjeç, u takua me të dashurën e tij në Korenë e Jugut.

Ai u regjistrua si ushtar në vitin 2008 dhe u dislokua në Irak në 2009 dhe në Afganistan në 2013. Së fundmi ai u caktua në Ushtrinë e Tetë, Forcat Amerikane të Koresë në Kampin Humphreys. Ushtria amerikane tha se Sgt Black nuk kërkoi leje zyrtare dhe departamenti i mbrojtjes nuk e autorizoi udhëtimin e tij në Rusi ose Kinë, ku ai kishte udhëtuar fillimisht gjatë kthimit nga Koreja e Jugut. Nuk ka asnjë provë se ai synonte të qëndronte në Rusi.

Rusia po mban pas hekurave amerikanë të tjerë. Gazetari i Uall Street Journal, Evan Gershkovich është në burg që nga marsi i vitit 2023, ndërsa ish-marinsi amerikan Paul Uhelan u dënua me 16 vjet burg në vitin 2020.

Alsu Kurmasheva – një redaktore ruso-amerikane për Radion Evropa e Lirë/Radio Liberty e financuar nga SHBA – është mbajtur në burg që nga tetori dhe mund të përballet me deri në 10 vjet burg me akuzat për përhapjen e informacionit të rremë për ushtrinë ruse.

Një gjykatë të martën refuzoi lirimin e zonjës Kurmasheva nga burgu përpara gjyqit të saj. Të tre personat janë të pafajshëm dhe qeveria amerikane thotë se akuzat kundër tyre janë të pabaza.

(Balkanweb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Burimi informacionit @BalkanWeb: Lexo me shume ne : bota sot www.botasot.al

Spread the love

Similar Posts