Ushtria e Mianmarit hap zjarr ndaj protestuesve në Bago, 80 të vdekur

Të paktën 80 civilë e kanë humbur jetën në Mianmar si pasojë e ndërhyrjes së armatosur nga ushtria në protestat e zhvilluara në qytetin Bago kundër grusht shtetit ushtarak dhe arrestimit të anëtarëve të qeverisë së zgjedhur.

Sipas lajmit të gazetës “Independent”, mësohet se ushtarët në zonën Ma Ga Dit të rajonit Bago kanë hapur zjarr ndaj protestuesve të cilët kanë vazhduar protestën e tyre pavarësisht paralajmërimeve të bëra.

Sipas deklaratave të dëshmitarëve, ushtarët kanë hapur zjarr me armë të rënda dhe kanë përdorur bomba dore kundër protestuesve. Në sulm kanë humbur jetën të paktën 80 persona.

Qytetarët në qytetin Tamu të Mianmarit i kanë ngritur kurth autokolonës së ushtrisë dhe kanë vrarë 3 ushtarë.

Banorët e lagjes që kanë folur për faqen “Myanmar Now”, thanë se në ngjarje kanë humbur jetën të paktën 3 ushtarë dhe një civil.

Grusht shteti ushtarak në Mianmar

Ushtria e Mianmarit pas pretendimeve nga grupet e afërta politike pranë saj për mashtrime në zgjedhjet e 8 nëntorit 2020 dhe pas rritjes së tensioneve në vend, mori pushtetin më 1 shkurt.

Ushtria në vend shpalli gjendje të jashtëzakonshme për një vit, ndërsa më pas arrestoi shumë zyrtarë dhe drejtues të tjerë të partisë në pushtet, përfshirë edhe ministren e Jashtme, njëherësh lideren e vendit, Aung San Suu Kyi.

Si pasojë e ndërhyrjes me armë ndaj protestuesve nga forcat e sigurisë, në Mianmar kanë humbur jetën 618 persona/AA

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *