Ushtria e SHBA-së pranon se në operacionet e saj jashtë vendit në 2020 janë vrarë 23 civilë

Ushtria e Shteteve të Bashkuara të Amerikës (SHBA), pranoi se në operacionet e kryera në rajonet e luftës në vitin 2020 janë vrarë 23 civilë.

Departamenti Amerikan i Mbrojtjes, në raportin e tij të cilin Kongresi e ka kërkuar të përgatitet çdo vit që nga viti 2018 dhe një pjesë e të cilit nuk është bërë publike, thekson se vitin e kaluar 23 civilë kanë vdekur dhe 10 të tjerë janë plagosur në operacionet e ushtarëve amerikanë jashtë vendit.

Në humbjet e jetëve të civilëve kryeson Afganistani me 20 vdekje, dy të tjerat në Irak dhe Somali, ndërsa vdekja e 23-të nuk njoftohet se ku ka ndodhur.

Për humbjet e jetëve të civilëve Departamenti Amerikan i Mbrojtjes ka ndarë një buxhet dëmshpërblimi prej 3 milionë dollarë thuhet në raportin ku tërhiqet vëmendja se më parë nuk është paguar dëmshpërblim në një shumë të tillë.

Pretendohet se viktimat civile që janë deklaruar në operacionet e SHBA-së janë rreth 5 herë më shumë

Ndërsa në një deklaratë në faqen e internetit të Platformës Airwars me qendër në Britani e cila ndjek vdekjet e civilëve në rajonet e luftës, pretendohet se vdekjet e civilëve të përjetuar në operacionet e SHBA-së janë rreth 5 herë më të larta se ato në raportin e Pentagonit.

Në deklaratë pretendohet se 102 civilë janë vrarë vetëm në sulmet ajrore të SHBA-së.

Në anën tjetër, në deklaratën e Platformës Airwars thuhet se sipas të dhënave të Misionit të Kombeve të Bashkuara për Ndihmë të Afganistanit (UNAMA), vetëm në Afganistan kanë humbur jetën 89 civilë dhe 31 të tjerë janë plagosur në operacionet ajrore të SHBA-së.//AA

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *