Vala e dytë e COVID-19, SHBA kufizon udhëtimet me Indinë

Shtetet e Bashkuara do t’i kufizojnë udhëtimet nga India, nisur nga data 4 maj, për shkak të situatës së rëndë me koronavirus.

Vala e dytë e koronavirusit është duke shkatërruar pjesë të Indisë.

Autoritetet thanë të premten se kanë diagnostikuar edhe 386,452 raste të reja pozitive dhe 3,500 viktima.

Shifra e rasteve të reja është më e larta e regjistruar brenda një dite në ndonjë vend.

Sekretarja për media e Shtëpisë së Bardhë, Jen Psaki, tha se administrata e presidentit Joe Biden ka vendosur të kufizojë udhëtimet nga India, pas këshillave të dhëna nga Qendrat për Kontrollin dhe Parandalimin e Sëmundjeve në SHBA.

“Politika do të zbatohet për shkak të numrit të lartë të rasteve me COVID-19 [sëmundjen që e shkakton koronavirusi] dhe varianteve të shumta [të koronavirusit] që qarkullojnë në Indi”, tha Psaki.

Numri total i të infektuarve në Indi ka kaluar tashmë 18.7 milionë, ndërsa i viktimave është mbi 208,000.

Ekspertët besojnë se këto shifra janë shumë më të larta, por është e paqartë se për sa saktësisht.

Dërgesa e parë me furnizime emergjente mjekësore nga SHBA-ja arriti në Indi të premten.

Ajo përfshin barna, bombola me oksigjen dhe teste të shpejta diagnostikuese.

Një ekip i Qendrave për Kontrollin dhe Parandalimin e Sëmundjeve në SHBA po ashtu pritet të arrijë në Indi, për t’i ndihmuar zyrtarët shëndetësorë atje në frenimin e përhapjes së koronavirusit.

/REL

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *