VENDIMI/ Pas Tiranës, Gjykata pezullon garën e FSHF-së në gjithë vendin. Veliaj fiton gjyqin e dytë ndaj Armand Dukës








Pas Tiranës, Gjykata ka vendosur të pezullojë garën e FSHF në gjithe vendin.

veliaj fshf

Gjykata e Tiranes ka bllokuar garën dhe mandatet në FSHF deri në shqyrtimin e manipulimeve.

Kështu kryetari i Bashkisë së Tiranës, Erion Veliaj ka fituar gjyqin e dytë ndaj Armand Dukës.

Me vendimin e saj Gjykata e Tiranes thotë se FSHF nuk mund te beje zgjedhjet pa u shqyrtuar ankesat ne gjykate. Keshtu pezullohet Komiteti Ekzekutiv i FSHF per zgjedhjet e 2 Marsit dhe pezullohet Komisioni Verifikimeve ne FSHF per zgjedhjet e 2 Marsit.

Me këtë vendim, mandatet e Armand Duka, Ilir Shulku, Kokedhimes, mbeten të pezulluara deri në një vendimin për shkeljet e dyshuara.

VENDIMI I GJYKATËS

Ju informoj se kërkesa me nr. 274 Aki, e cila u gjykua nga gjyqtare znj. Fida Osmani me kërkues: Akademia Luftëtari dhe person të tretë: Federata Shqiptare e Futbollit, me objekt: marrjen e masës së sigurimit të padisë ka vendosur:

Pranimin e kërkesës së palës kërkuese.

Marrjen e masës së sigurimit të padisë duke vendosur:

1.Pezullimin e efekteve juridike të Vendimit nr. 1, datë 10.1.2022, të Komisionit të Verifikimit të FSHF-së, si dhe çdo veprimi apo akti tjetër të dalë në zbatim të këtij vendimi, për realizimin e mbledhjes së Asamblesë së Përgjithshme të Zakonshme Zgjedhore të FSHF-së të datës 02.03.2022, deri në zgjidhjen e konfliktit me një vendim të formës së prerë;

2.Pezullimin e efekteve juridike të Vendimit të datës 21.01.2022, të Komitetit Ekzekutiv të FSHF-së, si dhe të çdo veprimi apo akti tjetër të dalë në zbatim të këtij vendimi, për realizimin e mbledhjes së Asamblesë së Përgjithshme të Zakonshme Zgjedhore të FSHF-së të datës 02.03.2022, deri në zgjidhjen e konfliktit me një vendim të formës së prerë;

3.Pezullimin e veprimtarisë së Komisionit të Verifikimit të FSHF-së, në ushtrimin e kompetencave të tij statutore, për organizimin, mbikëqyrjen dhe drejtimin e Asamblesë së Përgjithshme të FSHF-së të datës 02.03.2022, deri në zgjidhjen e konfliktit me një vendim të formës së prerë.

Kundër këtij vendimi lejohet ankim i veçantë në Gjykatën e Apelit Tiranë brenda 5 ditëve nga e nesërmja e komunikimit të vendimit të arsyetuar. U shpall në Tiranë më datë 17.02.2022.

© Panorama.al Burimi informacionit @Panorama.al: Lexo me shume: botasot.al

Spread the love

Similar Posts

Leave a Reply

Your email address will not be published.