Video-mesazhi/ Shefja e BE-së jep lajmin e mirë: 70% e të rriturve janë vaksinuar plotësisht

Presidentja e Komisionit Evropian, Ursula von der Leyen, tha të martën (31 gusht) se 70 për qind e të rriturve në Bashkimin Evropian janë vaksinuar plotësisht kundër COVID-19.

Me këtë shifër, BE-ja ka arritur objektivin e vendosur muajin në janar që deri në fund të verës të vaksinohen 70 për qind e të rriturve.

“Sot shënuam një arritje të rëndësishme në fushatën tonë të vaksinimit. Në BE 250 milionë njerëz janë plotësisht të imunizuar”, tha Von der Leyen përmes një videoje të postuar në internet.

Lufta globale kundër pandemisë së COVID-19 tani zhvillohet përmes betejës me variantit Delta, një lloj më ngjitës i koronavirusit.

Organizata Botërore e Shëndetësisë ka shprehur frikën se pandemia mund të vrasë edhe 236,000 njerëz në Evropë deri më 1 dhjetor. Rajoni evropian që mbulohet nga OBSH përfshin 53 vende.

Brukseli ka theksuar nevojën që BE-ja të zvogëlojë dallimet në shkallën e vaksinimit midis shteteve anëtare si dhe u ka bërë thirrje autoriteteve kombëtare të bëhen gati për një dozë të tretë të vaksinës, sapo të dhënat shkencore ta konfirmojnë se ajo është e nevojshme.

Shkalla e të rriturve të vaksinuar plotësisht është rreth 20 për qind në Bullgari, 32.8 për qind në Rumani, 49 për qind në Sllovaki dhe 58.1 për qind në Poloni.

Disa vende të BE-së kanë shkallë më të lartë të vaksinimit, përshembull, Franca 72.5 për qind, Gjermania 70.6, Spanja 76.7 dhe 85.5 përqind Irlanda, sipas të dhënave nga Qendra Evropiane për Parandalimin dhe Kontrollin e Sëmundjeve (ECDC).

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *