VIDEO / Partizani ngec përsëri edhe me VAR, Skënderbeu frenon pretendentët





Partizani ndalet përsëri, këtë herë në barazim 1-1 ndaj Skënderbeut pas një ndeshje që të kuqtë e dominuan dhe ku iu afruan disa herë fitores.

Skenderbeu-Partizani5

Partizani e nisi ndeshjen në sulm që në minuat e para, duke kërkuar me çdo mënyrë golin. Por Stenio Zhunior ishte në një ditë të keqe para portës kundërshtare duke provuar me gjuajtjet e tij, por pa gjetur katërkëndorin. Sa herë që të kuqtë arrinin të dërgonin topin në portë, ishte Rexhepi i cili me një ndeshje të shkëlqyer frenoi çdo tentativë drejt tij duke konfirmuar vlerat që ka.

Momenti vendimtar do të vinte në pjesën e dytë, kur gjyqtari Latra dha një penallti për Partizanin pas një kontakti të Carës në zonë. Ai fillimisht bëri shenjë që loja të vazhdonte por pasi shqyrtoi monitorin e VAR-it, vendosi që ishte goditje nga pika e bardhë.

Të kuqtë shënuan me Stenio Zhunior dhe u duke se mund të kishin tashmë nën kontroll lojën. Por që në nisjen e topit nga qendra, Skënderbeu gjeti golin e barazimit me Elvi Berishën i cili përfitoi nga dhurata e pavëmendjes së Damçeskit me Hoxhën.

1-1 që ktheu Skënderbeun me forca të shumta në mbrojtje e bëri thuajse të pamundur për Partizanin që t’i afrohej portës kundërshtare, me tentativa nga jashtë zonës që nuk sollën asgjë deri në vërshëllimën përfundimtare.

SKËNDERBEU-PARTIZANI 1-1
57’ Berisha / 56’ (p) Zhunior

MINUTË PAS MINUTE

90’+6’ Mbyllet ndeshja me barazimin 1-1 mes dy skuadrave.

90’+5’ Harkim perfekt nga e djathta për Stenio Zhunior, sulmuesi gjuan me kokë por jashtë kuadratit.

90’ Jepen 5 minuta shtesë.

83’ Partizani hedh në fushë Filipoviç dhe Markun, duke kërkuar më shuma forcë ofensive në minutat e fundit.

78’ Aksion perfekt i Partizanit me një harkim të Markut në shtyllën e dytë nga e djathta, gjuajtja me kokë e Stenio Zhunior largohet nga Rexhepi.

74’ Kardoso driblon dy kundërshtarë dhe në vijën e zonës së rreptësisë lëshon një gjuajtje të fortë, shumë lart mbi traversë.

73’ Goditje dënimi e ekzekutuar me skemë nga të kuqtë, Zhunior ul topin për Markun i cili gjuan nga pak hapa larg portës, por dërgon sferën jashtë.

71’ E gjithë loja është zhvendosur para zonës së Skënderbeut , i cili mbrohet me forca të shumta.

66’ Lëviz edhe Daja, duke aktivizuar Malën në vend të Muratajt për minutat e mbetura të ndeshjes.

57’ GOOOL Skënderbeu, shënon Elvi Berisha. Skënderbeu nis topin nga qendra me një pasim të gjatë drejt zonës kundërshtare, Damçevski dhe Hoxha nuk kuptohen dhe Elvi Berisha u rrëmben topin duke e dërguar në rrjetë.

56’ GOOOL Partizani, shënon Stenio Zhunior me penallti.

52’ Driblim i Carës në zonë, lojtari i Partizanit rrëzohet pasi shmang dy lojtarë dhe të kuqtë kërkojnë penallti. Gjyqtari heziton fillimisht por më pas thirret në monitor nga salla e VAR-it. Pasi sheh pamjet, gjyqtari Florian Lata akordon penallti.

49’ Edhe pjesa e dytë sjell të njëjtën tablo, me Partizanin që zhvendos lojën menjëherë në gjysmëfushën e vendasve, të cilët i kanë besuar më shumë kundërsulmit në këtë sfidë si armë me të cilën të kërkojnë golin.

46’ Pjesa e dytë e ndeshjes nis me zëvendësim te Skënderbeu, pasi Memelli hedh në fushë Denis Douna, në vend të Vangjelit.

45’+3’ Mbyllet pjesa e parë në barazim pa gola.

45′ Jepen 3 minuta shtesë.

40’ Aksion i Kardoso nga e djathta, sulmuesi pason në qendër për Stenio Zhunior i cili gjuan në ecje e sipër në hyrje të zonës, por përsëri nuk gjen katërkëndorin e portës.

37’ Partizani nis një kundërsulm të shpejtë me dyshen Musta-Stenio Zhunior, ky i fundit provon të gjejë të papërgatitur Rexhepin nga rreth 30 metra por fluturon topin shumë lart mbi traversë.

32’ Goditje dënimi në të djathtë të sulmit për Skënderbeun, por korcarët nuk përfitojnë me harkimin që largohet nga mbrojtja mike, e cila nis një tjetër kundërzbritje.

26’ Mara gjen Mensah në mënyrë perfekte në zonë me një top të gjatë, por sulmuesi nuk koordinohet në momentin e gjuajtjes dhe sfera ndalet në krahët e Hoxhës.

23’ Top i gjatë në zonë për Zhunior, devijimi i sulmuesi përfundon direkt në duart e Rexhepit.

20’ Gjuajtja e Herald Markut nga distanca, sfera kalon jo shumë lart mbi traversë.

18’ Aksion nga e djathta për skuadrën e Partizanit, harkimi në zonë gjen Zhunior i cili pason te Cara, gjuajtja e këtij të fundit përfundon jashtë.

12’ Goditje dënimi e Mustës në kufirin e zonës nga krahu i majtë, harkimi i tij është perfekt, por e tillë është edhe ndërhyrja e portierit Rexhepi i cili largon rrezikun.

8’ Tre tentativa radhazi të futbollistëve të Partizanit me gjuajtje nga jashtë zonës, topi bllokohet në këmbët e mbrojtësve të Skënderbeut.

1’ Nis sfida me shkelmimin e topit nga qendra të ekipit vendas.

0’ Nis ndeshja në Korçë me minutën e heshtjes në nderim të Ylli Mihalit.

FORMACIONET ZYTRARE –

SKËNDERBEU – Rexhepi; Bajrami, Zhan Viktor, Sadriu, Vangjeli; Vrapi, Meksi, Mensah, Vitija; Berisha, Mara. Trajner: Migen Memelli.

PARTIZANI – Alban Hoxha; Musta, Gligorov, Belica, Damçevski, Marku; Murataj, Kaçe, Lukas Kardozo; Cara, Zhunior. Trajner: Ilir Daja.

PANORAMASPORT.AL

© Panorama.al Burimi informacionit @Panorama.al: Lexo me shume: botasot.al

Spread the love

Similar Posts

Leave a Reply

Your email address will not be published. Required fields are marked *