Video/ Përkeqësohet situata nga zjarret në Itali, flakët zhvendosen drejt qyteteve në veri, nisin evakuimet e banorëve

Italia e Jugut tashmë prej ditësh është e përfshirë nga zjarret që ka përfshirë pyjet e e Kalabrisë, si dhe në ishujt e Sicilisë dhe Sardenjës. Të mërkurën, temperatura në juglindje të Sicilisë arriti pothuajse 49 gradë Celsius, që është temperatura më e lartë e regjistruar ndonjëherë në Evropë.

Sipas mediave italiane zjarri tani po lëviz në veri ndërsa 25 familje u evakuuan nga shtëpitë e tyre dhe zjarret u përhapën nëpër rezervatin natyror Monte Catillo, pranë periferisë romake të Tivoli.

Raportohet gjithashtu se zjarret në pyje shpërthyen gjatë natës pranë qytetit të Otrantos, në Italinë juglindore, ku një vendpushim bregdetar aty pranë u evakuua për shkak të tymit, dhe rruga bregdetare në jug të Otrantos u mbyll për qarkullim.

Dje, kryeministri Mario Draghi premtoi ndihmë financiare për komunitetet e prekura nga zjarret dhe një plan veprimi për restaurimin e zonave pyjore të shkatërruara, si dhe përpjekje për të rritur aftësinë e Italisë për t’iu përgjigjur fatkeqësive natyrore që kërcënojnë më shumë zonat rurale.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *