VIDEO+FOTO / Një dron në ndeshjen Shqipëri-Hungari, parulla për Taulant Ballën fluturon mbi stadium





Dronët kthehen në ndeshjet e kombëtares shqiptare të futbollit, por fatmirësisht jo duke ndalur apo ndikuar vazhdimësinë e sfidës së kuqezinjve. Një dron ka fluturuar mbi “Elbasan Arena” gjatë sfidës mes Shqipërisë dhe Hungarisë, pak minuta pas fillimit të pjesës së dytë të ndeshjes.

Gjyqtari ndali për pak sekonda lojën kur mbi stadium nisi të fluturonte një dron që mbante një parullë. Shumëkujt i shkoi ndër mend ngjarja e famshme në Beograd me Ballist Morinën, por kjo nuk kishte asgjë të ngjashme.

Parulla në fakt ishte për deputetin socialist, Taulant Balla. “TAULANT BALLA, ELBASANI TY TE DO”, shkruhej në parullën që shpalosej nga ky dron i cili qëndroi vetëm pak çaste mbi impiant e më pas u largua, pa ndikuar në mbarëvajtjen e ndeshjes.

Ndërkohë një grup tifozësh në stadium i janë kundërpërgjigjur parrullës së valëvitur nga droni duke bërtitur “RAMA IK”. Kujtojmë se kryeministri Rama vendosi largimin e Taulant Ballës si drejtues qarku në Elbasan duke e dërguar në qarkun e Fierit.

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *