12:20 02/08/2021
Prej 6 ditësh në pjesën e Egjeut, vijojnë përpjekjet për shuarjen e zjarreve masive. Situata është përmirësuar disi në pyjet e Manavgatit por ende forcat zjarrfikëse nga toka por edhe nga ajri po mundohen të vënë flakët nën kontroll.
E njëjtë vijon situata edhe në qytezën Marmaris. Vatrat janë fikur në disa zona por gjendja mbetet serioze. Vënia e flakëve nën kontroll është e vështirë edhe për shkak të erës që fryn në zonë.
Banorë të shumë fshatrave janë evakuuar ndërsa autoritetet u kanë mundësuar strehim dhe ushqim.
Ndërkohë në një pjesë tjetër të vendit, qyteti i Vanit ka qenë nën pushtetin e reshjeve. Sasia e madhe e shiut dhe breshëritë shkaktoi përmbytje. Për pasojë të paktën 6 shtëpi u shembën ndërsa disa banorë rrezikuan jetën.
Klan News
Burimi informacionit @TvKlan: Lexo me shume ne : www.botasot.al
