Viktima e tretë pas vaksinimit me Moderna-n në Japoni

16:57 07/09/2021

Dyshime se disa linja të vaksinës përmbajnë copëza metalike

Japonia regjistron viktimën e tretë, që dyshohet se ka humbur jetën pas injektimit të dozave të vaksinës Moderna. Ministria japoneze e shëndetësisë njoftoi se një 49-vjeçar ndërroi jetë më 11 Gusht, një ditë pasi i ishte injektuar një dozë e kësaj vaksine. Ai kishte marrë dozën që i përkiste të njëjtave linja prodhimi të importuara nga një firmë spanjolle, që dyshohen se i shkaktuan vdekjen 2 personave të tjerë , po gjatë gushtit.

Për dy vdekjet e para, ekspertët hodhën poshtë mundësinë se dozat mund të kenë qenë të kontaminuara me mbetje metalike të dëmshme për shëndetin. Analizat treguan se copëzat metalike ishin prej inoksi dhe me shumë gjasa mund t’i kenë pasur aget e shiringave.

Sipas vlerësimeve të Organizatës Botërore të Shëndetësisë, përfitimet shëndetësore nga vaksinat janë shumë herë më të mëdha se efektet anësore. Vaksinimi masiv po i mban në nivele të ulëta vdekjet në vendet, me proces të përparuar vaksinimi si SHBA, Britani të Madhe e BE, ku vala e variantit Delta po shfaq shenja rënieje.

Tv Klan


Të ngjashme Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *