Vizita e Nancy Pelosit në Tajvan “tërbon” Kinën, paralajmërimet për sulm “ngrenë në këmbë” autoritetet vendase dhe SHBA-në

vizita e nancy pelosit ne tajvan terbon kinen paralajmerimet per sulm ngrene ne kembe autoritetet vendase dhe shba ne
vizita e nancy pelosit ne tajvan terbon kinen paralajmerimet per sulm ngrene ne kembe autoritetet vendase dhe shba ne

Vizita që kryetarja e Dhomës së Përfaqësuesve të Shteteve të Bashkuara, Nancy Pelosi, po planifikon të bëjë në Tajvan, duhet se ka vënë në lëvizje serioze trupat tajvaneze, të cilët kanë kryer sot prova mbrojtjeje nga ndonjë sulm i mundshëm amfib nga Kina.

Sipas “The Times”, presidenti Biden do të zhvillojë një bisedë telefonike nesër me Presidentin Xi pas spekulimeve se Kina mund të përdorë edhe forcën ushtarake për të prishur planet e Pelosit, duke bllokuar fizikisht mbërritjen e avionit të saj ose duke organizuar raketa ose stërvitje të tjera të mbrojtjes që do ta pengonin atë të zbarkonte.

Kina këmbëngul se Tajvani, i cili ka qeverinë e tij të zgjedhur në mënyrë demokratike, është territori i saj sovran dhe është i vendosur të ribashkojë ishullin, me forcë nëse është e nevojshme.

Gjatë gjithë karrierës së saj, 82-vjeçarja Pelosi, ka insistuar në të drejtën e tajvanezëve për të zgjedhur rrugën e tyre.

Udhëtimi i saj , i cili u anulua në prill pasi u kontraktua me Covid-19, do të jetë si një gjest solidariteti. Ende nuk janë shpallur datat, por besohet se ajo dëshiron të udhëtojë muajin e ardhshëm.

Por Kina nuk është aspak e kënaqu me këtë ide, dhe sipas raporteve në Uashington, ka komunikuar qëllimin e saj për të marrë masa serioze nëse ajo vendos të shkojë.

“Nëse SHBA këmbëngul të ndjekë rrugën e vet dhe të sfidojë vijën përfundimtare të Kinës, ajo me siguri do të përballet me përgjigje të forta”, tha sot Zhao Lijian, zëdhënësi i ministrisë së jashtme të Kinës.

“Të gjitha pasojat që vijnë më pas do të përballohen nga SHBA”, pohoi ai.

Nuk është e qartë se sa larg do të ishte e gatshme të shkonte Kina, por zyrtarët ushtarakë amerikanë thonë se ata do të lëvizin forcat e tyre në rajonin e Azisë Lindore në përgatitje për çfarëdo “surprize” nëse kjo vizitë do të zhvillohet.

Në të njëjtën kohë, duket se ka lëvizje prapa skenave në Uashington për të penguar Pelosin të udhëtojë. Javën e kaluar Biden, tha se Pentagoni mendonte se udhëtimi i saj “nuk ishte një ide e mirë tani”.

Tajvani po kryen një javë stërvitje të mbrojtjes civile dhe ushtarake, të cilat ishin planifikuar para polemikave të Pelosit, por që dërgojnë mesazhin se është gati të mbrohet kundër agresionit kinez.

Ushtarët praktikuan sot përgjigjet mbrojtëse ndaj çdo sulmi amfib afër Taipeit, me Presidentin Tsai, i veshur me uniformë ushtarake, duke vëzhguar stërvitjet ushtarake nga një anije detare.

Biseda midis Biden dhe Xi, do të jetë e pesta mes tyre dhe do të përfshijë diskutime për “gjithçka nga tensionet mbi Tajvanin deri te lufta në Ukrainë, si dhe se si ne menaxhojmë më mirë konkurrencën midis dy kombeve tona, sigurisht në sferën ekonomike.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb


Burimi informacionit @BalkanWeb: Lexo me shume ne : www.botasot.al

Spread the love

Similar Posts