Von der Leyen: BE po punon për një përgjigje të përbashkët ndaj kërkesave ruse

17:54 03/02/2022

Presidentja e KE-së deklaroi se Rusia duhet të kthehet në rrugën e paqes dhe dialogut

Bashkimi Europian po punon për një përgjigje të përbashkët ndaj kërkesave të sigurisë që Rusia ka paraqitur përmes një letre. Kështu deklaroi Presidentja e Komisionit Europian Ursula von der Leyen para gazetarëve teksa ndodhet në një vizitë në Helsinki.

 “Ne po punojmë për një përgjigje të përbashkët. Ne jemi të bashkuar dhe është e qartë se kjo përgjigje  do të reflektojë këtë unitet”.

Teksa foli për krizën në Ukrainë, Von Der Leyen theksoi se Rusia duhet të kthehet në rrugën e paqes dhe dialogut. “Në rast se do të ketë ndonjë agresion ushtarak kundër Ukrainës, do të ketë sanksione financiare dhe ekonomike nga ana jonë… Shpresojmë që kjo të mos jetë e nevojshme”.

Presidentja e KE nënvizoi se Rusia po vë në pikëpyetje sigurinë europiane ndërsa Kryeministrja finlandeze Sanna Marin se askush nuk dëshiron që situata të depërshkallëzohet, por të gjendet një zgjidhje paqësore.

Klan News

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published.