Vrau 8 nxënës dhe 1 mësues me armë në një shkollë në Rusi, 2 muaj paraburgim për 19-vjeçarin

Gjykata ka lënë në burg autorin e sulmit të ngjarjes së rëndë që ndodhi në qytetin rus Kazan, ku qëlloi për vdekje me armë zjarri 8 nxënës dhe 1 mësues.

Ngjarja ndodhi në shkollën Nr.175 në Republikën e Tatarstanit. Sulmuesi, i identifikuar si Ilnaz Galyaviyev, 19-vjeç, u vendos në paraburgim për dy muaj. I riu e priti vendimin e gjykatës në kafazin prej xhami, ndërsa ishte veshur me të zeza.

Zv/Prokurori i Tatarstanit, Aleksey Zaika u tha gazetarëve pas seancës gjyqësore se kushtet shëndetësore të Galyaviyev nuk ishin pengesë për paraburgimin e tij. Ai gjithashtu shtoi se do të kryhet edhe një vlerësim psikiatrik.

Zëdhënësja e Komitetit Hetues, Svetlana Petrenko tha se i dyshuari për vrasjen e shumëfishtë u ankua vitin e kaluar për dhimbje koke të forta dhe u trajtua në një nga klinikat rajonale për një çrregullim mendor. Ndërkohë, funeralët e viktimave u mbajtën të mërkurën, e cila u shënua si një ditë zie në republikën myslimane të Tatarstanit.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *