Vritet me armë zjarri një person në Kosovë, dy të plagosur. Arrestohet një i dyshuar

KOSOVË

Një person ka vdekur dhe dy të tjerë kanë mbetur të lënduar si pasojë e plagëve të marra nga një gjuajtje më armë zjarri që ndodhi sot rreth orës 11:00 në rrugën “Kemajl Azizi” në Viti.

Lajmin e ka konfirmuar zëdhënësi i Policisë së Kosovës për rajonin e Gjilanit, Ismet Hashani.

Ai ka thënë se njëri nga të lënduarit i cili është dërguar për në Gjilan, nuk ka arritur t’i mbijetojë plagëve.

“Dy të lënduar janë dërguar në spitalin rajonal në Gjilanit, gjersa i treti ndalet për trajtim mjekësor në emergjencën e Vitisë. Edhe për kundër ndihmës së mjekëve në qendrën emergjente në Gjilan, si pasojë e plagëve nga arma e zjarrit njëri nga të lënduarit banori i Vitisë ka ndërruar jetë”, ka deklaruar ai.

Hashani bëri të ditur se është arrestuar një person në lidhje me këtë rast, teksa tha se deri më tani nuk dihet motivet e ngjarjes.

“Policia e Kosovës njësitet e stacionit policor ju kanë përgjigj rastit me urgjencë. Policia e Kosovës me njësitet relevante në vendin e ngjarjes kanë arritë ta arrestojnë një të dyshimtë që besohet të jetë i involvuar në këtë rast të rëndë . Hetimet se si ka ardh deri te ky rast i rëndë si dhe motivet e këtij rasti janë duke i udhëhequr Policia e Kosovës njësitet e hetimeve rajonale në koordinim me Prokurorin e Shtetit”, njoftoi ai.

Prokuroria Themelore në Gjilan, Departamenti për Krime të Rënda, ka njoftuar se ka ndaluar për 48 orë të dyshuarin për vrasjen në Viti.

Sipas komunikatës për medie i dyshuari është E.R, dhe vendimi për ndalimin e tij është lëshuar sot pasi dyshohet se ka kryer veprën penale ‘’Vrasja e rëndë’’, të Kodit Penal të Republikës së Kosovës dhe të njëjtit iu janë sekuestruar një revole dhe një armë gjuetie.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *