Washington/ Rama i jep merita gjithë klasës politike shqiptare për strehimin e afganëve: Ne mund të mos biem dakord sa është ora, për këtë ramë dakord të gjithë








Kryeministri Edi Rama ka mbajtur këtë të mërkurë një ligjëratë në Universitetin Georgetown në Washingtn.

edi rama

Gjatë fjalimit të tij shefi i qeverisë u ndal te strehimi i afganëve në Shqipëri, të cilin e cilësoi si një arritje të gjithë popullit dhe klasës shqiptare politike.

Ai shtoi se në Shqipëri politikanët nuk mund të bien dakord sa është ora, por për rastin e strehimit të afganëve dakordësia ishte e unifikuar dhe kjo sipas tij për shkak të natyrës tonë humane.

“Shumë njerëz më kanë pyetur se pse e bën. Unë u them se këta jemi ne, nuk jemi të pasur por nuk e kemi të shkurtër kujtesën. Këtë e konsideroj si diçka që i përket popullit shqiptar, pasi ishte një vendim politik, por që u pranua nga të gjithë qytetarët dhe nuk u kundërshtua nga politika. Ne mund të mos bienm dakord për sa është ora, por për sa i përket strehimit të afganëve ne ramë të gjithë dakord. Kjo i dedikohet gjithë popullit shqiptar, të gjitha partive politike. Më thanë se do rrinë vetëm pak muaj, i thash miqve amerikanë, mos e premtoni këtë se ne e dimë si venë gjërat. Ata po presin vizat për të shkuar në Amerikë, por janë të ftuar të qëndrojnë aty nëse dëshirojnë”, tha Rama.

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *