‘Zbërthehet’ ish-ekstremisti i ISIS, pranon fajësinë dhe tregon krimet e tmerrshme

Një ish-shtetas britanik, i akuzuar për vrasjen e pengjeve perëndimore kur ka qenë anëtar i grupit militant Shteti Islamik (IS) në Siri, u deklarua fajtor për akuza të shumta penale në një gjykatë federale të SHBA-së.

Alexanda Amon Kotey pranoi fajësinë për komplot për vrasjen e katër pengjeve amerikane dhe krime të tjera.

Kotey, 37 vjeç, është një nga katër anëtarët e Shtetit Islamik të quajtur “Beatles”, për shkak të theksit të tyre britanik.

Ai dhe një burrë tjetër, El Shafee el-Sheikh, janë dërguar në Shtetet e Bashkuara vitin e kaluar, pasi janë kapur nga forcat kurde siriane dhe u janë dorëzuar trupave amerikane në Irak.

Britania, e cila nuk ka dashur t’i gjykojë ata, u ka hequr shtetësinë e tyre britanike dhe ka lejuar që të transferohen në Shtetet e Bashkuara me kushtin që të mos përballen me dënimin me vdekje.

Kotey dhe Elsheikh akuzohen për përfshirje në vrasjen e gazetarëve amerikanë James Foley dhe Steven Sotloff, si dhe të punonjësve të ndihmës Peter Kassig dhe Kayla Mueller.

El-Sheikh është deklaruar i pafajshëm në tetor. Kryetari i dyshuar i bandës “Beatles”, Mohammed Emwazi, i njohur si “Xhihadi John”, është vrarë në një sulm me dron në vitin 2016.

Anëtari i katërt i grupit po vuan dënimin me burg në Turqi./rel

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *