08:58 11/06/2023
Presidenti ukrainas akuzoi organizatat ndërkombëtare që nuk kanë reaguar ndaj përmbytjeve
Në një fjalim, presidenti ukrainas, Volodomyr Zelensky konfirmoi se kundërofensiva e shumëpritur ka nisur. Pa dhënë shumë detaje, Zelensky u shpreh se po zhvillohen veprime kundërsulmuese dhe mbrojtëse. Komentet vijnë pas një përshkallëzimi të luftimeve në jug dhe lindje të Ukrainës.
Trupat ukrainase raportohet se kanë avancuar në lindje pranë Bakhmut dhe në jug pranë Zaporizhzhia, dhe kanë kryer sulme me rreze të gjatë. Nga ana tjetër, në rajonin Kaluga të Rusisë që kufizohet me rrethet jugore rreth Moskës një dron u rrëzua pranë fshatit Strelkovk. Shtabi i përgjithshëm i Ukrainës tha se forcat e saj kishin zmbrapsur sulmet e armikut rreth Bakhmut.
Kundërofensiva e Ukrainës përfshin mijëra trupa që janë trajnuar dhe pajisur nga Perëndimi, por Kievit gjithashtu i mungon epërsia ajrore. Jugu shihet si një prioritet strategjik kyç për forcat ukrainase që ë synojë rimarrjen e centralit bërthamor më të madh të Evropës.
Mes të tjerash, presidenti ukrainas Volodymyr Zelensky kritikoi disa shtete pjesë të botës se janë treguar indiferente ndaj fatkeqësisë humanitare dhe mjedisore të shkaktuara nga shkatërrimi i digës Kakhovka në fillim të javës.
“Kur organizatat ndërkombëtare që supozohet të mbrojnë jetën në shkallë globale nuk arrijnë të dërgojnë një mision shpëtimi, kur disa aktorë globalë nuk guxojnë të dalin me deklarata të qarta dhe të forta duke dënuar këtë të fundit ruse krimet e luftës, terroristët thjesht ushqehen nga kjo dobësi e botës, kjo indiferencë i inkurajon ata.”
Nga përmbytjet humbën jetën katër persona, ndërsa 13 rezultojnë ende të zhdukur, ndërsa mbi 3000 persona janë evakuuar nga zonat e përmbytura. Vlerësimet paraprake e vlerësojnë dëmin mjedisor në 1.5 miliardë Dollarë.
Klan News
