15:37 26/02/2022
Moska kërkon një President kukull
Presidenti i Ukrainës Volodimir Zelensky shpërndau një tjetër video-mesazh për bashkëkombasit e tij, duke treguar se ushtria ukrainase po reziston dhe po zmbraps me sukses sulmet ruse.
Ai konfirmoi se Kievi është nën kontrollin e qeverisë dhe tha ushtria e tij sapo kishte shkatërruar një plan rus qe synonte të kapte atë për t’i lejuar Moskës vendosjen e një presidenti kukull.
Presidenti ukrainas tha se Rusia ka kryer sulme të vazhdueshme në zonat e banuara duke përdorur raketa, por ai u bëri thirrje qytetarëve që të mbrojnë kombin e tyre.
“Çdo ukrainas duhet të ketë parasysh diçka: nëse mund ta ndaloni dhe shkatërroni pushtuesin, bëjeni. Të gjithë ata që duan të kthehen në Ukrainë për të mbrojtur kombin e tyre mund ta bëjnë”.
Zelensky shtoi se tani Ukraina ka pothuajse të gjithë mbështetjen e vendeve anëtare për të përjashtuar Rusinë nga rrjeti i pagesave ndërkombëtare SWIFT.
Ai gjithashtu theksoi se vendi ka të përfshirë në Kushtetutën e saj aspiratat për t’u bashkuar me bllokun evropian dhe për të qenë anëtar i Bashkimit Europian.
Tv Klan
Burimi informacionit @TvKlan: Lexo me shume ne : www.botasot.al
