Zgjedhjet lokale në Kosovë/ Kryeparlamentarja Lindita Nikolla uron kandidatët për fitoren: Suksese në përmbushjen e detyrave në shërbim të komunitetit








Kryeparlamentarja Lindita Nikolla ka uruar të gjithë kandidatët që fituan në zgjedhjet lokale në Kosovë.

Lindita Nikolla-kryetarja-Parlamentit

Me anë të një mesazhi, Nikolla i uron suksese për përmbushjen e detyrave të tyre në shërbim të komuniteteve.

“Me rastin e përfundimit të zgjedhjeve vendore në Kosovë, u uroj të gjithë të zgjedhurve, kryetarë të komunave dhe këshilltarë të këshillave komunalë, suksese në përmbushjen me sukses të detyrave të tyre, në shërbim të komuniteteve dhe qytetarëve! Jam e bindur se të gjithë të zgjedhurit do të bëjnë më të mirën për përmirësimin e cilësisë së jetës së qytetarëve dhe të shërbimeve ndaj tyre.”, shkruan Kryetarja e Kuvendit Lindita Nikolla.

Fitueset kryesore të zgjedhjeve lokale janë, Partia Demokratike e Kosovës, në nëntë komuna dhe Lidhja Demokratike e Kosovës, në shtatë komuna. Aleanca për Ardhmërinë e Kosovës ka fituar në pesë komuna. Ndërkaq, Lëvizja Vetëvendosje, e cila ka pushtetin në nivelin qendror, ka arritur fitoren në katër komuna.

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published.