Zhvillimet në PD/ Agalliu: Disa kolegë nuk iu përgjigjën thirrjeve për riorganizim. Lubonja: Lojë e Ramës, të shkatërronte opozitën. Basha duhet të reflektonte!

zhvillimet ne pd agalliu disa kolege nuk iu pergjigjen thirrjeve per riorganizim lubonja loje e rames te shkaterronte opoziten basha duhet te reflektonte
zhvillimet ne pd agalliu disa kolege nuk iu pergjigjen thirrjeve per riorganizim lubonja loje e rames te shkaterronte opoziten basha duhet te reflektonte

Analisti Fatos Lubonja, një emisionin “Open” në News24 foli për zhvillimet e fundit në Partinë Demokratike, duke u ndalur edhe bisedimet e zhvilluara mes Gazment Bardhit dhe ish-kryeministrit Sali Berisha.

Sipas analistit Lubonja, Partia Demokratike është ende e ndarë, pasi nuk po shihet asnjë bashkim siç është përfolur.

Nga ana e tij, Roland Bejko u shpreh se nuk mund të jetë krah Berishës, sidomos pas non-gratës së vendosur ndaj këtij të fundit. Ai shtoi se PD duhet të ketë bashkim idesh dhe jo bashkim interesash.

Pjesë nga biseda në studio:

“Një pjesë e mirë e kolegëve nuk iu përgjigjën thirrjeve për riorganizimin e partisë. Nuk mund të ketë spastrim, pasi iu është thënë për të ardhur në Kuvend nuk kanë ardhur. I janë bërë ftesa në mënyrë të përsëritur. Ata kanë braktisur qëndrimin dy vjeçar, për të ndryshuar situatën. Pra çfarë ndryshoi sot? Për çfarë u bë beteja, përse sot zgjodhi të shkojë tek Berisha? Deri dje nuk pranonin”, u shpreh  deputeti i PD, Arbi Agalliu.

[embedded content]

Fatos Lubonja: Këta akoma nuk e kanë të përcaktuar qartë se cila është PD. Ne e kemi parë që PD mund ta ndash në 3 apo 4 pjesë. Sot janë shprehur se do të luftojnë Ramën me Berishën dhe deri dje deklaronin se Rama dhe Berisha janë bashkë. Besoj që këta e ndjejnë që Basha nuk ka të ardhme politike, është figurë e djegur sipas mendimit tim. Shumica e demokratëve besojnë se Basha mori partinë me ndihmën e Ramës. Dhe besoj këta që kanë ikur sepse nuk janë spastruar kanë ikur për të mos mbajtur këtë stigmën që ‘punojnë me Ramën’.

Roland Bejko: Duam bashkimin. PD duhet të ishte e bashkuar, por jemi para një pamundësie e krijuar nga Berisha. Berisha është non-grata dhe kjo ka bërë që ne të mos pranojmë një lider të refuzuar nga Perëndimi. S’më vjen mirë që t’i bashkohemi një lideri që e ka konsumuar kohën e tij politike. Ne kemi bashkim idesh dhe jo bashkim interesash. Berisha mjafton të jetë në krye të PD dhe kaq është e mjaftueshme për Ramën.

[embedded content]

Fatos Lubonja: Problemi më i madh që ka krijuar Rama është kapja e të gjithë oligarkëve. Çështja kryesore është se kemi kaluar në monizmin e partisë shtet. Kjo nuk qëndron si alibi. Berisha, non-grata sërish nuk qëndron. E keni dëgjuar Bashës të ngre zërin kundër për atë që ka bërë Rama me McGonigal. Ai me këtë çështje është kapur nga Rama. Edhe non-grata e Berishës, është produkt i Ramës dhe këta do të duhet të ishin bashkuar. Basha duhet të reflektonte sepse ishte lojë e Ramës për të shkatërruar opozitën. I konsumuar? Për këtë mund të them se kjo matet me njerëz që e mbështesin.

[embedded content]

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb


Burimi informacionit @BalkanWeb: Lexo me shume ne :bota sot www.botasot.al

Spread the love

Similar Posts