20:07 02/01/2024
Ekipet e shpëtimit në luftë me kohën për të mbijeturit
Bilanci i viktimave të goditjes sizmike prej 7.6 ballë që goditi Japoninë ditën e parë të 2024 vijon të rritet.
Mediat raportojnë se deri më tani janë gjetur nën rrënoja 55 trupa të pajetë, ndërsa ekipet e shpëtimit vijojnë luftën me kohën për të arritur në zonat e izoluara ku ndërtesat janë rrëzuar, rrugët shkatërruar dhe energjia elektrike e ndërprerë në dhjetëra mijëra shtëpi.
Banorët e zonave bregdetare u larguan në vende me lartësi pasi valët e cunamit goditën bregun perëndimor të Japonisë.
Siç deklaroi dhe kryeministri Fumio Kishida mijëra vetë personel ushtrie, zjarrfikës dhe policë nga i gjithë vendi janë dërguar në zonën më të goditur në gadishullin Noto .
“Kërkimi dhe shpëtimi i të prekurve nga tërmeti është një betejë kundër kohës. Në zonat e prekura nga tërmeti kemi dërguar 1 mijë trupa shtesë.”
Në Gadishullit Noto bilancet e dëmeve janë katastrofike, rrugë të shkatërruara, zjarre të shumtë dhe dëmtime të mëdha në ndërtesa dhe infrastrukturë.
Shumë shërbime hekurudhore dhe fluturime në zonë janë pezulluar. Aeroporti Noto u mbyll për shkak të dëmtimit të pistës, terminalit dhe rrugëve hyrëse. 500 vetë mbetën të bllokuar pas tërmetit brenda automjeteve në parking.
Goditja fatale prej 7. 6 ballësh është shoqëruar nga 140 pas goditje.
Tv Klan
Të ngjashmeBurimi informacionit @TvKlan: Lexo me shume ne :bopta sotwww.botasot.al
