15:42 13/07/2023
Pjesa jugore e Europës regjistron temperatura ekstremisht të larta. Alarmet e motit janë vendosur në të gjithë ishujt Kanarie të Spanjës, Italinë, Qipron dhe Greqinë, me autoritetet greke që presin që temperaturat të arrijnë deri në 44 Celsius të premten dhe të shtunën.
Alarmi i kuq ku merren masa parandaluese për të shmangur viktimat është shpallur në 10 qytete italiane. Meteorologët italianë thanë se në jug të Italisë ka pasur raste kur temperaturat i kanë kapërcyer 47 gradë celcius.
Në Greqi, qeveria ka urdhëruar pezullimin e punës nga ora 12:00 deri në 17:00 lokale në zonat ku rreziku nga nxehtësia është shumë i lartë, si dhe ka kërkuar punën në distancë për punonjësit e sektorit privat me probleme shëndetësore.
Temperaturat mbi 45 gradë pritet të arrijnë javës tjetër edhe në Turqi. Ndërkaq qeveria britanike ka lëshuar paralajmërim për temperatura të papërballueshme, për të gjithë turistët nga Britania e Madhe që kanë planifikuar pushime në këto vende.
Klan News
Të ngjashmeBurimi informacionit @TvKlan: Lexo me shume ne :bopta sotwww.botasot.al
