13 persona janë vrarë dhe të tjerë janë plagosur në një seri shpërthimesh në qytetin e Donetsk, të drejtuar nga separatistët në Ukrainën lindore, sipas kryebashkiakut të tij të mbështetur nga Rusia.
Alexei Kulemzin fajësoi sulmin e Ukrainës për vdekjet, ndërsa nuk ka asnjë koment nga zyrtarët ukrainas.
Konfirmimi është vështirë të arrihet në terren në zonat e kontrolluara nga separatistët në lindje. Megjithatë, autoritetet lokale thanë se 9 predha u qëlluan në rrethin Kuibyshevsky të Donetsk, nga një fshat në perëndim të qytetit.
Udhëheqësi lokal Denis Pushilin akuzoi Ukrainën se po synon qëllimisht civilët pasi at u goditën në një stacion autobusi, në dyqan dhe në një bankë.
Në fjalimin e tij të dielën, Presidenti Volodymyr Zelensky tha se ditët e fundit mund të jenë dukur si të qeta: “Por ka përgatitje për serinë e sulmeve të radhës, sepse Ukraina duhet të jetë e lirë.”
(BalkanWeb)
Burimi informacionit @BalkanWeb: Lexo me shume ne : www.botasot.al
